Crime News: घरगुती भांडणातून चिमुकलीची हत्या; जवानास अटक

- सिद्धेश म्हात्रे

नवी मुंबई : घरगुती भांडणात (fighting) झालेल्या मारहाणीत तीन वर्षीय मुलीचा (girl) नाहक बळी गेला. रॅपिड ऍक्शन फोर्सच्या जवानाने घरगुती भांडणातून पत्नी व मुलीला केलेल्या मारहाणीत मुलीचा मृत्यू झाल्याची धक्कादायक घटना घडली आहे. (kharghar latest marathi news)

तळोजा येथील तलावाजवळ असणाऱ्या डेम्ब्रिजमध्ये पाेलिसांना मुलीचा मृतदेह आढळून आला होता. खारघर (kharghar) पोलिसांनी मुलीच्या फोटोवरुन तिच्या नातेवाईकांचा शोध घेण्यास सुरुवात केली.

यावेळी पाेलिसांनी संबंधित मुलगी पापडी पाडा गावातील रॅपिड ऍक्शन फोर्सच्या जवानाची असल्याचे समजले. पोलिस जवानाच्या घरी गेले असता जवानाने तेथून पळ काढण्याचा प्रयत्न केला मात्र पोलिसांनी त्याचा पाठलाग करून त्यास ताब्यात घेतले.

पाेलिसांनी (khargar police) दिलेल्या माहितीनूसार परशुराम तिपन्ना याने घरगुती भांडणा दरम्यान मुलीला भिंतीवर आपटल्याने तिचा जागीच मृत्यू झाला. त्यामुळे पहाटेच्या सुमारास मुलीचा मृतदेह तळोजा तलावाशेजारी (taloja lake) असणाऱ्या डेब्रिजच्या भरावामध्ये पुरण्याचा प्रयत्न केल्याची कबुली तिपन्ना याने दिली आहे. तिपन्नावर हत्येचा गुन्हा दाखल करण्यात आला आहे. या घटनेचा तपास खारघर पोलिस करीत आहेत.

Edited By : Siddharth Latkar