अभिजित देशमुख 
डोंबिवली : बारमध्ये दारू पित असताना खुर्चीला धक्का लागल्याने दोन गटात वाद झाला. हा वाद इतका (Dombivali) विकोपाला गेला की एकाने पिस्तुल काढून दुसऱ्या गटातील एका तरुणावर गोळी झाडली. सुदैवाने हा तरुण यातून बचावला (Crime News) किरकोळ जखमी झाला आहे. हा धक्कादायक प्रकार डोंबिवलीत घडला आहे.  (Maharashtra News)

डोंबिवली मानपाडा परिसरात (Dombivali Crime News) असलेल्या सेवन स्टार या बारमध्ये रात्रीच्या सुमारस अजय सिंग हा मित्रांसोबत दारू पीत होता. त्याच्याच बाजूचा टेबलवर विकास भंडारी हा देखील आपल्या मित्रासोबत दारू पीत बसला होता. पार्टी रंगात आली असताना खुर्चीला धक्का लागल्याने अजय सिंग व विकास भंडारी या दोघांमध्ये वाद सुरू झाला. सिंग याने संतापाच्या भरात आपल्या जवळील पिस्तुलाने गोळी झाडली. सुदैवाने ही गोळी विकासाच्या खांद्याला लागली. या हल्ल्यात विकास बचावला असला तरी जखमी झाला आहे, 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जखमी तरुणाला उपचारासाठी रुग्णालयात दाखल करण्यात आलंय. घटना घडल्यानंतर अजय सिंग व त्याच्या मित्रांनी तेथून पळ काढला. घटनेची माहिती मिळताच मानपाडा पोलिसांनी घटनास्थळी धाव घेत डीसीपी सचिन गुंजाळ, एसीपी सुनील कुराडे यांच्या मार्गदर्शनाखाली वरिष्ठ पोलीस निरीक्षक अशोक होनमाने यांच्या पथकाने तपास सुरू केला. मानपाडा पोलिसांच्या पथकाने अवघ्या तासाभरात पळून गेलेल्या पाच आरोपींचा पाठलाग करत ताब्यात घेतले आहे. याप्रकरणी  मानपाडा पोलीस ठाण्यात अजय सिंगसह पाच जणांविरोधात गुन्हा दाखल करण्यात आला असून पोलीस पुढील तपास करत आहेत.