शिरपूर (धुळे) : अरुणावती नदीपात्रावर बांधलेल्या केटी वेअर बंधाऱ्याजवळ पोहण्यासाठी गेलेल्या मुलाचा बुडून मृत्यू (Death) झाला. ही घटना सोमवारी (१७ जुलै) दुपारी घडली असून आज (१८ जुलै) सकाळी मुलाचा मृतदेह हाती (Shirpur) लागला. दिनेश रतीलाल मोरे (वय ११) असे मृत मुलाचे नाव आहे. (Maharashtra News)

दिनेश मोरे हा कुटुंबासह वरवाडे (ता. शिरपूर) येथील महादेव मंदिराजवळ वास्तव्यास होता. मित्रांसोबत सोमवारी दुपारी शहराजवळ आमोदे येथे अरुणावती नदीवर बांधलेल्या केटी वेअर बंधाऱ्याजवळ पोहण्यासाठी गेला होता. मात्र (Dhule News) पाण्याच्या खोलीचा अंदाज न आल्याने तो बुडाला. त्याचे मित्र घाबरून घरी परतले. रात्री उशिरापर्यंत दिनेश घरी न आल्याने त्याच्या कुटुंबाने शोधाशोध सुरू केली. त्या वेळी त्याच्या मित्रांनी दिनेश पाण्यात बुडाला असल्याची माहिती दिली.

वडीलांनीच काढला मुलाचा मृतदेह

मंगळवारी सकाळपासून नदीपात्रात शोध सुरू केला. त्याचे वडील रतिलाल मोरे स्वतः पाण्यात उतरले. त्यांनी अर्धा तास शोध घेतल्यानंतर मुलाचा मृतदेह त्यांच्या हाती लागला. वडील शिरपूर आगारात बसचालक म्हणून कार्यरत आहेत. त्यांच्या तीन मुलांपैकी दिनेश मधला मुलगा होता. त्याच्या मागे दोन भाऊ, आई, वडील आहेत. दिनेश येथील सरस्वती माध्यमिक विद्यालयात पाचवीच्या वर्गात शिकत होता.