Nanded News : अंगणवाडीच्या खाऊत निघाल्या अळ्या, अर्धापुर तालुक्यातील अंगणवाडी केंद्रातील प्रकार

संजय सूर्यवंशी

नांदेड : अंगणवाडीतील बालकांना शालेय पोषण आहार दिला जात असतो. परंतु, हा आहार निकृष्‍ट दर्जाचा दिला जात असल्‍याचे प्रकार अनेकदा समोर आले आहेत. असा प्रकार (Nanded) नांदेड जिल्‍ह्यात देखील समोर आला असून शालेय पोषण आहारात (Poshan Aahar) अळ्या निघाल्या आहेत. (Tajya Batmya)

नांदेड जिल्ह्यातील अर्धापुर तालुक्यातील लहान येथील अंगणवाडी क्रमांक तीनमध्ये पोषण आहारात अक्षरशः आळ्या निघाल्या आहेत. दरम्यान हा पोषण आहार या लहान बालकांनी खाल्‍ला आहे. तर काही बालकांनी न खाता घरी नेला असता पालकांच्या निदर्शनास आळ्या आढळून आल्या. या घटनेने पालकांनी संतापला व्‍यक्त केला आहे. या प्रकाराने बालकांचे आरोग्य धोक्यात आले आहे.

सदर प्रकाराची माहिती मिळताच लहान येथील आरोग्य आधिकारी, पंचायत समितीचे अधिकारी, महिला बालविकास प्रकल्‍प आधिकारी यांनी या अंगणवाडीला भेट दिली. संबधित दोषींवर कारवाई करण्यात येणार असल्याची माहिती या अधिकाऱ्यांनी दिली.