Latur–Pune–Mumbai Vande Bharat Gets Green Signal, Big Relief for Commuters : महाराष्ट्रात लवकरच आणखी एक वंदे भारत एक्सप्रेस धावणार आहे. नागपूर-पुणे वंदे भारत एक्सप्रेसनंतर आता लातर-पुणे-मुंबई ही वंदे भारत एक्सप्रेस सुरू होणार आहे. या वंदे भारत मार्गाला केंद्रीय रेल्वे बोर्डाकडून ग्रीन सिग्नल देण्यात आला आहे. पुढील काही दिवसांत ही वंदे भारत एक्सप्रेस धावणार आहे. लातूरहून सुटणारी वंदे भारत एक्सप्रेस धाराशिवमध्ये थांबणार आहे. त्यामुळे याचा थेट फायदा धाराशिवकरांना होणार आहे. धाराशिवहून पुण्याला फक्त दोन ते अडीच तासात पोहचता येणार आहे. तर मुंबईला पाच ते साडेपाच तासात पोहचणं शक्य होऊ शकते.

गेल्या काही दिवसांपासून धाराशिव आणि लातूर या दोन जिल्ह्यांमधून वंदे भारत एक्सप्रेसची मागणी करण्यात येत होती. त्याचा प्रस्ताव केंद्राकडे पाठवण्यात आला होता. त्याला आता सकारात्मक प्रतिसाद मिळाला आहे. त्यामुळे पुढील काही दिवसात लातूर आणि मुंबई यादरम्यान वंदे भारत एक्सप्रेस धावणार आहे. धाराशिव आणि आजूबाजूच्या परिसरातून मुंबई आणि पुण्याला जाणाऱ्यांची संख्या मोठ्या प्रमाणात आहे. हा विचार करूनच केंद्रीय बोर्डाकडून या वंदे भारत मार्गाला ग्रीन सिग्नल देण्यात आला आहे. Maharashtra new Vande Bharat train 2025 details

लातूर-मुंबई वदे भारत एक्सप्रेसला कोणकोणते थांबे असणार? Latur Pune Mumbai Vande Bharat Express stops

लातूरहून मुंबईला जाणाऱ्या वंदे भारत एक्सप्रेसबाबत अद्याप अधिकृत घोषणा करण्यात आलेली नाही. लवकरच याबाबतचे परिपत्रक जारी होऊ शकते. लातूर रोड या स्थानकातून ही वंदे भारत सीएसएमटी मुंबई पर्यंत धावणार आहे. धाराशिव, बार्शी, कुर्डूवाडी, बिगवण, पुणे, लोणावळा, कल्याण, ठाणे आणि दादर या स्थानकात वंदे भारत एक्सप्रेस थांबण्याची शक्यता आहे.

धाराशिवकरांचा किती वेळ वाचणार ? Dharashiv to Mumbai travel time in Vande Bharat

वंदे भारत एक्सप्रेस ही सेमी-हायस्पीड ट्रेन असून, ती 130-160 किमी/तास वेगाने धावते. यामुळे धाराशिव ते मुंबई या शहरांमधील प्रवासाचा वेळ कमी होईल. धाराशिवहून पाच ते सहा तासांमध्ये मुंबईला पोहचता येणार आहे. तर धाराशिवहून पुण्याला दोन ते अडीच तासात पोहचणं शक्य होणार आहे. धाराशिवहून लातूर-मुंबई ही एक्सप्रेस धावते, त्या गाडीला सात ते आठ तास लागतात. वंदे भारत एक्सप्रेसमुळे हे अंतर पाच ते सहा तासात पूर्ण होणार आहे.