काॅंग्रेस आमदार सुरेश वरपुडकर (suresh warpudkar) यांचे परभणी जिल्हा मध्यवर्ती बँकेचे (parbhani dcc bank) सदस्यत्व अपात्र ठरविण्यात आले आहे. याबाबतचा आदेश विभागीय सहनिबंधकांनी नुकताच काढला आहे. या निर्णयामुळे आमदार सुरेश वरपूडकर यांचे परभणी जिल्हा बँकेचे अध्यक्षपद देखील धाेक्यात आले आहे. (Maharashtra News)
परभणी जिल्हा बँकेची 3 वर्षांपूर्वी निवडणूक झाली होती. जिल्ह्यातील वरपुड विविध कार्यकारी सेवा सहकारी संस्था जिल्हा बँकेची थकबाकीदार असल्यामुळे विभागीय सहनिबंधकांनी ऑक्टोबर 2023 मध्ये वरपुडकर यांचे बँकेचे सदस्यत्व अपात्र ठरविले हाेते. या निर्णयाविरुद्ध त्यांनी सर्वोच्च न्यायालयात धाव घेतली होती.
सर्वोच्च न्यायालयाने हे प्रकरण विभागीय सहनिबंधक मुंबई यांच्याकडे साेपविले. त्यानुसार सहकारी संस्था मुंबई विभागाचे विभागीय सहनिबंधक बाजीराव शिंदे यांनी सुरेश वरपुडकर यांच्या अपात्रतेसंबंधी शुक्रवारी आदेश पारित केला. जिल्हा बँकेचे थकबाकीदार असल्याने त्यांचे संचालकत्व अपात्र ठरविल्याचे सांगण्यात आले.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.