Christian Community Morcha In Sangli : ख्रिस्ती समाजावर होणारे धर्मांतराचे आरोप थांबवावेत आणि असे आरोप करणाऱ्यांवर कारवाई व्हावी तसेच आटपाडी प्रकरणात दाखल केलेल्या गुन्ह्यांची शहानिशा करून गुन्हे मागे घ्यावेत या मागणीसाठी शुक्रवारी (ता. 20) सांगलीत ख्रिस्ती बांधव माेर्चा काढणार आहेत. या भव्य मोर्चात समस्त ख्रिस्ती (christian) बांधवांनी सहभागी व्हावे असे आवाहन संविधान बचाव ख्रिस्ती हक्क समितीने सांगली (sangli) येथे आयाेजिलेल्या पत्रकार परिषदेच्या माध्यमातून केले आहे. (Maharashtra News)

येत्या शुक्रवारी सकाळी दहा वाजता विश्रामबाग चौकातून जिल्हाधिकारी कार्यालयावर मोर्चा काढला जाणार आहे. या मोर्चात ख्रिस्ती समाजावर होणारे आरोप थांबवावेत, ख्रिस्ती समाजाची बदनामी करणाऱ्यंवर कारवाई करावी, आटपाडी येथील संजय गेळे व कुटुंबीयांना संरक्षण द्यावे यासह अनेक मागण्या करण्यात येणार आहेत.

या मोर्चामध्ये सांगली, सातारा (satara), कोल्हापूर, पुणे, मुंबई येथून ख्रिस्ती समाजाचे 15 ते 20 हजार ख्रिस्ती बांधव उपस्थित राहणार आहेत. या मोर्चामध्ये ख्रिस्ती समाजाच्या महिला, मुले मुली, धर्मगुरू सहभागी होणार आहेत.

या मोर्चासाठी आरपीआच्या आठवले गट, बहुजन क्रांती मोर्चा, मातंग समाज, समस्त मुस्लिम समाज यांच्यासह विविध चळवळीतील संघटनांनी पाठिंबा दिला आहे. या मोर्चासाठी समस्त ख्रिस्ती समाज बांधवांनी मोठ्या संख्येने सहभागी व्हावे असे आवाहन संविधान बचाव ख्रिस्ती हक्क समितीकडून पत्रकार परिषदेत करण्यात आले आहे. यावेळी आशिष कच्छी, राम कांबळे (मोर्चा संयोजक) यांनी माेर्चाबद्दल (morcha) सविस्तर माहिती दिली.

Edited By : Siddharth Latkar