छत्रपती संभाजीनगरमधून एक धक्कादायक घटना समोर येत आहे. रूग्णालयात उपचारादरम्यान एका तरूणाचा मृत्यू झाला आहे. तरूणाचा भीषण अपघात झाला होता. त्याच्या पायाला गंभीर दुखापत झाली होती. रूग्णाला तातडीने व्हेंटिलेटरवर हलवण्यात आले. मात्र, त्याचा उपचारादरम्यान मृत्यू झाला. दरम्यान, डॉक्टरांवर नातेवाईकांनी गंभीर आरोप केले आहेत. या घटनेनंतर पोलिसांकडून अधिक तपास सुरू आहे.

ऋषिकेश अनिल गव्हाणे असे मृत तरूणाचे नाव आहे. हा तरूण छत्रपती संभाजीनगर येथील जय भवानीनगर येथील रहिवासी आहे. हा भीषण अपघात फुलंब्रीहून घरी परतताना अपघात घडला. मिळालेल्या माहितीनुसार, तरूण दुचाकीवरून जात होता. यादरम्यान, चारचाकीने दुचाकीला धडक दिली.

या धडकेत ऋषिकेश अनिल गव्हाणे रस्त्यावर कोसळला. त्याच्या पायाला गंभीर दुखापत झाली. स्थानिक नागरिकांनी त्याला तातडीने सह्याद्री हॉस्पिटलमध्ये शस्त्रक्रिया करण्यासाठी दाखल केले. सह्याद्री रुग्णालयात शस्त्रक्रियेनंतर त्याची प्रकृती आणखी बिघडली. तरूणाला तातडीने व्हेंटिलेटरवर हलवले.

तरूण उपचाराला योग्य प्रतिसाद देत नसल्यामुळे त्याला वैद्यनाथ हॉस्पिटलमध्ये रेफर करण्यात आले. मात्र, उपचारादरम्यान त्याचा मृत्यू झाला. तरूणाचा मृत्यू झाल्यानंतर नातेवाईकांनी रूग्णालयाबाहेर आक्रोश केला. मुकुंदवाडीतील सह्याद्री हॉस्पिटल येथील डॉक्टरांवर नातेवाईकांनी गंभीर आरोप केले आहेत. या घटनेनंतर पोलिसांनी घटनास्थळी धाव घेतली असून, पुढील तपास पोलिसांकडून सुरू आहे.