Chhagan Bhujbal News : छत्रपती शिवाजी महाराज गो ब्राम्हण पती पालक होते. म्हणजेच गो ब्राम्हण पती पालक प्रमाणे ब्राम्हणांचे पालक मान्य आहे पण कुणबी, शिवा काशिद असेल दलीत समाजाचे पालक नव्हते का ? असा प्रश्न ज्येष्ठ नेते छगन भुजबळ यांनी उपस्थित करुन विराेधी पक्ष नेते अजित पवार (ajit pawar) यांच्या छत्रपती संभाजी महाराज (Chhatrapati Sambhaji Maharaj) यांच्याबाबतच्या वक्तव्याबद्दल अभ्यास करून बाेलेन असं स्पष्ट केले.

क्रांतिज्योती सावित्रीबाई फुले यांच्या जयंती (savitribai phule jayanti) निमित्त सावित्रीबाई यांच्या नायगाव (जिल्हा सातारा) या जन्मगावी छगन भुजबळ यांनी भेट देत फुले यांना अभिवादन केले. त्यावेळी भुजबळांना माध्यम प्रतिनिधींनी अजित पवार यांच्या वक्तव्याबाबत छेडले. त्यावेळी भुजबळ बाेलत हाेते.

भुजबळ म्हणाले अजित पवारांच्या विधानावर आत्ता बोलणार नाही. आज क्रांतिज्योती सावित्रीबाई फुले यांची जयंती आहे. त्यामुळे आत्ता बोलणार नाही..मी अभ्यास करतोय. छत्रपती शिवाजी महाराज गो ब्राम्हण पती पालक होते. म्हणजेच गो ब्राम्हण पती पालक प्रमाणे ब्राम्हणांचे पालक मान्य आहे पण कुणबी, शिवा काशिद असेल दलीत समाजाचे पालक नव्हते का ?

मी ब्राम्हणांंबद्दल बोलत नाही पण महात्मा फुले आणि सावित्रीबाई फुले यांना अनेक ब्राह्मणांनी मदत केली आहे. विरोध ही केला. शिवाजी महाराजांसोबत वेगवेगळ्या जातीचे लोक होते पण अभ्यास करून सांगेन असेही भुजबळ यांनी नमूद केले. दरम्यान वादात माध्यमांना जास्त इंटरेस्ट असल्याचे भुजबळांनी नमूद केले.

Edited By : Siddharth Latkar