Ajit Pawar News : 'अजित पवार हाय हाय...', पवारांच्या 'त्या' विधानावर बाळासाहेबांची शिवसेना - भाजप आक्रमक

- तबरेज शेख

Ajit Pawar News : विराेधी पक्ष नेते अजित पवार यांनी छत्रपती संभाजी महाराज (Chhatrapati Sambhaji Maharaj) यांच्या बद्दल आक्षेपार्ह वक्तव्य केल्याचा ठपका ठेवत भाजप आणि बाळासाहेबांची शिवसेना यांच्यावतीने नाशकात पवार यांचा निषेध व्यक्त करण्यात आला. यावेळी आंदाेलकांनी अजित पवार (Ajit Pawar) यांच्या विराेधात जाेरदार घाेषणा दिल्या.

छत्रपती शिवाजी महाराज, संभाजी महाराज यांच्यासह अन्य महापुरुषांच्या विरोधात सातत्याने सत्ताधारी आणि विरोधकांकडून अवमान करणे सुरूच आहे. राज्यपालांनंतर आता विरोधी पक्षनेते अजित पवार यांनी छत्रपती संभाजीराजे हे धर्मवीर नव्हते असं वक्तव्य केले आहे. त्याचे पडसाद राज्यभरात (maharashtra) उमटू लागले आहेत.

नाशिक जिल्ह्यात भाजपाने कारंजा इथं अजित पवार यांच्या विधानाचा निषेध नाेंदविला. यावेळी आंदाेलकांनी अजित पवार यांच्या प्रतिकात्मक पुतळ्याचे दहन केले. त्यानंतर जाेरदार घाेषणा देत अजित पवारांचा निषेध करण्यात आला.

मुख्यमंत्री एकनाथ शिंदे (eknath shinde) यांच्या गटाकडून देखील अजित पवारांच्या विधानाचा निषेध नाेंदविण्यात आला. यावेळी त्यांच्या प्रतिकात्मक पुतळ्याला जोडो मारो आंदोलन करण्यात आले. यावेळी अजित पवारांच्या विरोधात जोरदार घोषणाबाजी करण्यात आली. अजित पवार यांनी राजीनामा द्यावा अशी मागणी आंदोलकांनी केली आहे.

Edited By : Siddharth Latkar