Satara News : शिंदे- फडणवीस सरकार आम्हांला घाबरले : पृथ्वीराज चव्हाण

Prithviraj Chavan News : स्थानिक स्वराज्य संस्थांच्या आगामी निवडणुका महाविकास आघाडी एकत्र येऊन लढणार असल्याने राज्य सरकार निवडणुका घेण्याचे धाडस दाखवत नाही असा टाेला माजी मुख्यमंत्री आमदार पृथ्वीराज चव्हाण (prithviraj chavan) यांनी लगावला आहे. आमदार चव्हाण हे साता-यात (satara) माध्यमांशी बाेलत हाेते.

सातारा येथे माजी मुख्यमंत्री आमदार पृथ्वीराज चव्हाण यांनी घेतलेल्या पत्रकार परिषदेत भाजप सरकारवर निशाणा साधत टीका केली आहे. आमदार चव्हाण म्हणाले राज्यात भ्रष्टाचाराची अनेक प्रकरणे बाहेर आले आहेत. त्यामुळे अस्थिर परिस्थिती आहे.

त्यातच स्थानिक स्वराज्य संस्थांच्या आगामी निवडणुका महाविकास आघाडी एकत्र येऊन लढणार असल्याने राज्य सरकार निवडणुका घेण्याचे धाडस दाखवत नाही. सतत या निवडणुका पुढे ढकलल्या जात असल्याचेही माजी मुख्यमंत्री पृथ्वीराज चव्हाण यांनी नमूद केले.

Edited By : Siddharth Latkar