चंद्रपूर : जंगल परिसरात गुरे चारण्यासाठी गेलेल्या एका व्यक्तीवर वाघाने अचानक हल्ला केला. यात गुराख्याच्या मृत्यू झाल्याची घटना चंद्रपूर जिल्ह्यातील मूल तालुक्यात चिंचाळा परिसरात घडली. या घटनेनंतर परिसरात घबराट पसरली आहे. 

मुनीम गोरलावार (वय ४५) असे मृत झालेल्या गुराख्याचे नाव आहे. मुनीर हा गावाशेजारी लागून असलेल्या जंगलात गुरे राखण्याकरिता गेला होता. यावेळी (Tiger Attack) वाघाने त्याच्यावर अचानक हल्ला केला. यात तो जागीच मृत्यू झाला. या परिसरात आलेल्या एका जणाला मुनीर याचा मृतदेह आढळून आला. यानंतर गावात घटनेची माहिती मिळाली. गावकऱ्यांनी घटनास्थळी धाव घेत घटनेबाबत वन विभाग (Forest department) व पोलिसांना माहिती दिली.   

सदर घटनेची माहिती वन अधिकाऱ्यांना मिळताच वन पथक घटनास्थळी पोहचले. त्यांनी घटनेचा पंचनामा केला. तर वाघाने केलेल्या हल्ल्याच्या घटनेमुळे गाव परिसरात भीतीचे वातावरण पसरले असून वाघाचा तत्काळ बंदोबस्त करण्याची मागणी आता गावकऱ्यांनी केली आहे.