Poshan Aahar : पोषण आहारातील तांदूळ काळ्या बाजारात विक्री; विद्यार्थ्यांनी मुख्याध्यापकाला रंगेहाथ पकडले

हिंगोली : शाळेतील विद्यार्थ्यांसाठी शालेय पोषण आहार योजना राबविली जात असते. या योजनेंतर्गत शाळांमध्ये पुरवठा केल्या जाणाऱ्या धान्याचा कला बाजार नेहमीच समोर आला आहे. यात हिंगोली जिल्ह्यात पोषण आहाराची खिचडीसाठी आणलेले तांदूळ काळ्या बाजारात विक्रीसाठी घेऊन जाणाऱ्या मुख्याध्यापकाला विद्यार्थ्यांनी रंगेहाथ पकडले. 

हिंगोलीच्या (Hingoli) पांगरी गावात जिल्हा परिषदेच्या मुख्याध्यापकाचा हा प्रताप विद्यार्थ्यांनी उघडकीस आणला आहे. शाळांमधील विद्यार्थ्यांना शासनाकडून पोषण आहारासाठी धान्याचा पुरवठा केला जात असतो. शिक्षण विभागामार्फत विद्यार्थ्यांना शालेय पोषण आहाराची (Poshan Aahar) खिचडी शिजवण्यासाठी दिलेला तांदूळ मुख्याध्यापक चक्क काळ्या बाजारात विक्री करत असल्याचा प्रकार हिंगोली जिल्ह्यातील पांगरी गावात उघड झाला आहे. 

ग्रामस्थांनी दिला आंदोलनाचा इशारा 

शाळेच्याच विद्यार्थ्यांनी हा प्रकार समोर आणल्याने मुख्याध्यापकाला ग्रामस्थांसमोर आणले. यामुळे या प्रकाराची मुख्याध्यापकाने ग्रामस्थांपुढे कबुली देखील दिली आहे. तसेच शिक्षण विभागाला देखील याबाबत माहिती देण्यात आली असून या घटनेनंतर शिक्षण विभागाने अद्याप कार्यवाही सुरू केली नसल्याने ग्रामस्थांनी आता आंदोलनाचा इशारा दिला आहे.