Buldhana News:

नागपूर मुंबई समृद्धी महामार्गा लगत असलेल्या जिल्ह्यातील अनेक स्थळांना जोडण्याच्या कामांना आता वेग आला आहे. बुलढाणा जिल्ह्यातील मातृतीर्थ सिंदखेडराजा ते संतनगरी शेगाव असा 109 किलोमीटरचा भक्तिमार्ग तयार करण्याच्या निर्णयाला राज्य सरकारने मंजुरी दिली आहे. त्यामुळे आता सिंदखेडराजा ते शेगाव असा भक्तिमार्ग बुलढाणा जिल्ह्यात तयार होणार आहे.

हा महामार्ग ग्रीन कॉरिडोर असणार आहे. यामुळे शेगाव हे समृद्धी महामार्गावरून जोडल्या जाणार आहे. या महामार्गाचे काम एमएसआरडीसी करणार असल्याची माहिती मिळाली आहे. बुलढाणा जिल्ह्यातील ऐतिहासिक स्थळाला धार्मिक केंद्र जोडणारा हा भक्तिमार्ग असणार आहे.

भक्ती मार्गाची वैशिष्ट्ये

हा महामार्ग 109 किलोमीटरचा असेल.

जिल्ह्यातील पाच तालुक्यातून हा महामार्ग जाणार आहे.

समृद्धी महामार्गाच्या धर्तीवर हा ग्रीनफिल्ड महामार्ग असेल.

हा महामार्गामुळे शेगाव हे तीर्थक्षेत्र समृद्धी महामार्गाला जोडल्या जाईल.

ऐतिहासिक स्थळाला धार्मिक केंद्राची जोडल्यामुळे या महामार्गाचे नाव भक्तिमार्ग ठेवण्यात आल आहे.

समृद्धी महामार्ग लगतच्या जिल्ह्यातील अनेक स्थळांना समृद्धी महामार्ग जोडण्याच्या योजनेला सरकारने आता सुरुवात केली आहे. महामार्ग जोडल्यानंतर येथील नागरिकांना येथून जलद गतिने प्रवास करता येणार आहे. समृद्धीमहामार्गा लगत असलेले अनेक स्थळे आता समृद्धी महामार्गाशी अशआ पद्धतीने जोडले जाणार आहेत.