संजय जाधव 
बुलढाणा : यंदा पावसाच्या लहरीपणामुळे पिकांचे नुकसान झाले आहे. यामुळे उत्पादनात घाट झाली आहे. या शिवाय कापूस व सोयाबीनला देखील अपेक्षित भाव नाही. या विरोधात रविकांत तुपकर (Ravikant Tupkar) यांनी एल्गार रथयात्रा काढली आहे. यात शेतकरी देखील मोठ्या संख्येने सहभागी झाले असून या रथयात्रेदरम्यान संतप्त (Buldhana) शेतकऱ्यांनी सोयाबीन व कापूस जाळत सरकारचा निःशेष केला आहे. (Tajya Batmya)

सोयाबीन- कापसाचा उत्पादन खर्च प्रचंड वाढला आहे. त्या तुलनेत बाजारात मिळणार भाव अत्यल्प आहे. त्यात भरचभर येलो मोझँक, बोंडअळी व पावसात खंड पडल्याने सोयाबीन- कापसाचे प्रचंड नुकसान झाले आहे. उत्पादनात प्रचंड घट आली आहे. काढणी खर्चही परवडत नसल्याने अनेक शेतकऱ्यांनी (farmer) उभ्या पिकात शेळ्या-मेंढ्या घुसविल्या आहेत. सोयाबीन-कापूस उत्पादक शेतकरी आत्महत्येच्या उंबरठ्यावर उभा आहे. अशा परिस्थितीत सरकार मात्र झोपेचे सोंग घेवून बसले आहे. निद्रिस्त सरकारला जागे करण्यासाठी आज खामगाव तालुक्यातील संतप्त शेतकऱ्यांना सोयाबीन-कापूस जाळून सरकारचा निषेध केला.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आंदोलन तीव्र करण्याचा इशारा 

सरकारने जर तातडीने सोयाबीन-कापूस उत्पादक शेतकऱ्यांकडे लक्ष दिले नाही; तर येणाऱ्या काळात एवढे तीव्र आंदोलन उभे करू की सरकारच्या पायाखालची वाळू सरकेल. असा इशारा रविकांत तुपकरांनी दिला आहे. त्यामुळे यावर्षीचे सोयाबीन- कापूस आंदोलन निश्चित पेटण्याची चिन्हे आहेत.