• बुलडाण्यात नवऱ्याने बायकोची हत्या

• कौटुंबिक वादातून बायकोची हत्या

• कुऱ्हाडीने डोक्यात वार करत जागीच संपवलं

• या घटनेमुळे बुलडाणा हादरले

संजय जाधव, बुलडाणा

बुलडाण्यामध्ये नवऱ्याने बायकोची निर्घृण हत्या केल्याची धक्कादायक घटना घडली. कुऱ्हाडीने वार करत नवऱ्याने बायकोला जागीच संपवलं. कौटुंबीक वादातून ही घटना घडली. या घटनेमुळे बुलडाणा हादरले. या प्रकरण पोलिसांनी नवऱ्याविरोधात गुन्हा दाखल केला असून तपास सुरू केला आहे. पोलिस सध्या या प्रकरणाचा तपास करत आहेत.

मिळालेल्या माहितीनुसार, बुलडाण्याच्या जळगावजामोद तालुक्यातील भेंडवळ बु्द्रुक गावात ही घटना घडली. कौटुंबिक वादातून नवऱ्याने रागाच्या भरता कुऱ्हाडीने डोक्यावर वार करत बायकोची हत्या केली. मायावती शहादेव भारसाकळे (वय ४६ वर्षे) असं हत्या झालेल्या महिलेचे नाव आहे. तर शहादेव शंकर भारसाकळे असं आरोपीचे नाव आहे. नवऱ्याने केलेल्या हल्ल्यात गंभीर जखमी झालेल्या मायावती यांना खामगाव येथील सामान्य रुग्णालयात उपचारासाठी दाखल करण्यात आले. पण डॉक्टरांनी मृत घोषीत केले. या प्रकरणी आरोपीविरोधात गुन्हा दाखल करण्यात आला.

तर, बुलडाण्याच्या खामगावमध्ये कौटुंबिक वादातून नवऱ्याने बायकोची निर्घृण हत्या केली. आरोपीने लोखंडी सब्बलने बायकोचे डोकं ठेचलं. खामगाव येथील रेल्वे गेट परिसरातील झोपडपट्टी भागात ही घटना घडली. नवऱ्याने केलेल्या हल्ल्यात गंभीर जखमी झालेल्या बायकोचा जागीच मृत्यू झाला. प्रकाश रूपलाल सोळंकेने (२५ वर्षे) बायको सविता प्रकाश सोळंके (२२ वर्षे) यांच्या डोक्यावर सब्बलने सपासप वार केल्याने त्यांचा जागीच मृत्यू झाला.

बायकोची हत्या केल्यानंतर आरोपी स्वतः खामगाव शहर पोलिस ठाण्यात हजर झाला आणि गुन्ह्याची कबुली दिली. पोलिसांनी घटनास्थळी धाव घेत महिला मृतदेह ताब्यात घेऊन शवविच्छेदनासाठी सामान्य रुग्णालयात पाठवण्यात आला. आरोपीविरुद्ध भारतीय न्याय संहितेच्या कलम १०३ (१) अंतर्गत गुन्हा दाखल करण्यात आला असून पुढील तपास पोलिस करत आहेत.