संजय जाधव, बुलढाणा|ता. १९ डिसेंबर २०२३

Buldhana News:

०१ जुलै रोजी समृद्धी महामार्गावर खासगी बसला अपघात होऊन आग लागली होती. या दुर्घटनेत २५ प्रवाशांचा होरपळून मृत्यू झाला होता. या भयंकर घटनेने अवघा महाराष्ट्र हादरुन गेला होता. या अपघातात मृत्यू झालेल्या प्रवाशांच्या नातेवाईकांना शासनाकडून अद्याप कोणतीच मदत मिळाली नाही. याच पाश्वभूमीवर सरकारला जागे करण्यासाठी समृद्धीवरील अपघात स्थळी अनोखे आंदोलन करण्यात आले.

०१ जुलै रोजी समृद्धी महामार्गावर (Samruddhi Mahamarg) सिंदखेड राजा नजिक खाजगी प्रवाशी बसला अपघात होऊन आग लागली होती. यात २५ प्रवाशांचा होरपळून दुर्दैवी मृत्यू झाला होता. अपघातानंतर सरकारने मृतकांच्या नातेवाईकांना आर्थिक मदत जाहीर केली होती. मात्र घटनेला साडे पाच महिने होऊनही अद्याप या अपघातातील मृताकांच्या नातेवाईकांना कोणतीही मदत मिळाली नाही.

पाच महिने उलटून गेल्यानंतरही मदत न मिळाल्याने मृतांच्या नातेवाईकांनी वर्धा (Wardha) येथे आंदोलन सुरू केलं आहे. या आंदोलनाला पाठिंबा म्हणून व सरकारला आठवण करून देण्यासाठी आज समृद्धी महामार्गावर अपघात स्थळी सिंदखेड राजा परिसरातील नागरिकांनी अपघातस्थळी २५ मेणबत्ती लावून आंदोलन केले. या अनोख्या निषेध आंदोलनासाठी अपघातस्थळी परिसरातील नागरिक मोठ्या प्रमाणात जमा झाले होते.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

भयंकर अपघाताने हादरला होता महाराष्ट्र...

१ जुलै च्या मध्यरात्री समृद्धी महामार्गावरील खासगी बसच्या अपघाताने अवघा महाराष्ट्र सुन्न झाला होता. विदर्भ ट्रॅव्हल्सच्या बसचा बुलढाणा (Buldhana Bus Accident) जिल्ह्यातील सिंदखेडराजाजवळ भीषण अपघात झाला. आधी गाडीचा अपघात झाल्याने टायर फुटला आणि त्यानंतर डिझेल टॅंक फुटल्याने बसने पेट घेतला होता. या आगीत २५ जणांचा मृत्यू झाला होता. (Latest Marathi News)