भरत मोहळकर

Gopichand Padalkar Controversy Statement On Jayant Patil : मुख्यमंत्र्यांच्या तंबीनंतरही सुसंस्कृत भाजपचे असंस्कृत आमदार गोपिचंद पडळकरांनी बेताल वक्तव्य केलंय... मात्र आमदार असताना गावगुंडासारखी भाषा कऱणाऱ्या गोपिचंद पडळकर भानावर कधी येणार? पाहूयात यावरचा स्पेशल रिपोर्ट...

खुद्द मुख्यमंत्री देवेंद्र फडणवीसांनी तंबी दिल्यानंतरही भाजपचे पडळकर बेताल सुटलेत...आपण एका मतदारसंघाचं प्रतिनिधीत्व करतो, याचं भान सोडून पडळकरांनी पुन्हा एकदा गल्लीतल्या गावगुंडासारखी भाषा वापरत जयंत पाटील यांचा एकेरी उल्लेख करत टीका केलीय.. एवढंच नाही मंगळसुत्र चोरीच्या आरोपाचा दाखला देत जयंत पाटील यांच्या पत्नीविषयीही वादग्रस्त वक्तव्य केलंय..

पडळकरांच्या याच वक्तव्यामुळे विरोधक मात्र आक्रमक झालेत.. लातों के भूत बातो से नहीं मानते, असं म्हणत विजय वडेट्टीवारांनी पडळकरांवर हल्लाबोल केलाय. पडळकर विरुद्ध जयंत पाटील असा संघर्ष सुरु झाला तो पडळकरांनी जयंत पाटलांचे वडील राजारामबापू यांच्याविषयी केलेल्या वादग्रस्त वक्तव्यामुळे....तर पडळकरांच्या वक्तव्यानंतर पवारांनी थेट मुख्यमंत्री देवेंद्र फडणवीसांना फोन करुन नाराजी व्यक्त केली.. यावरून तीव्र प्रतिक्रिया उमटल्यानंतर मुख्यमंत्र्यांनीही पडळकरांना जाहीरपणे तंबी दिली होती.

कधी शरद पवार, कधी सुप्रिया सुळे, कधी जयंत पाटील यांच्याविषयी वादग्रस्त करुन पडळकर सतत चर्चेत असतात.. मात्र पडळकरांना मुख्यमंत्र्यांनी तंबी दिल्यानंतरही मुख्यमंत्र्यांचा शब्द डावलून पडळकर बेताल सुटलेत... त्यामुळे पडळकर मुख्यमंत्री फडणवीसांना जुमानत नाहीत का? फडणवीसांचा शब्द डावलून पुन्हा जयंत पाटलांवर टीका करण्याची हिंमत पडळकरांची होत असेल तर महाराष्ट्राची संस्कृती बिघडवण्यासाठी पडळकरांना कुणाचं पाठबळ आहे? त्यामुळे सुसंस्कृत भाजपचा असंस्कृत चेहरा बनलेल्या पडळकरांना भाजपचं शीर्ष नेतृत्व कसं आवरणार...?