आगामी स्थानिक स्वराज्य संस्थांच्या निवडणुकीच्या पार्श्वभूमीवर पक्षांतर करणाऱ्या नेत्यांची संख्या वाढताना दिसत आहे. महायुती आणि महाआघाडीतील नेत्यांनी कंबर कसली आहे. अशातच धाराशिवमध्ये नगरपरिषद निवडणुकीच्या तोंडावर भाजपला झटका बसला आहे. दोन माजी नगरसेवकांसह २९ कार्यकर्त्यांनी भाजपमधून शिवसेना ठाकरे गटात पक्ष प्रवेश केला आहे.

धाराशिवमध्ये नगरपरिषद निवडणुकीच्या पार्श्वभूमीवर राजकीय उलथापालथ पाहायला मिळत आहे. भाजपच्या दोन माजी नगरसेवकांनी पक्षाला सोडचिठ्ठी दिली आहे. त्यांच्यासह २९ कार्यकर्त्यांनी पक्षाला रामराम करण्याचा निर्णय घेतला आहे.

दोन माजी नगरसेवकांसह २९ कार्यकर्त्यांनी पक्षाला सोडचिठ्ठी दिली. तसेच शिवसेना उद्धव बाळासाहेब ठाकरे पक्षात प्रवेश केला.

धाराशिवचे शिवसेना खासदार ओमराजे निंबाळकर, आमदार कैलास पाटील यांच्या उपस्थितीत भाजप कार्यकर्त्यांनी शिवसेनेत प्रवेश केला. दरम्यान, नगरपरिषद निवडणुकीच्या तोंडावर हा भाजपला धक्का मानला जात आहे. या प्रवेशामुळे धाराशिवमध्ये शिवसेना ठाकरे गटाची ताकद वाढल्याचे स्पष्ट झाले असून, आगामी निवडणुकीत ठाकरे गटाला याचा फायदा होण्याची चिन्हे दिसत आहेत.