'लग्नाच्या १० महिन्यांत १० दिवसही खूश नाही, मी आयुष्य..' VIDEO तयार करून विवाहितेनं आयुष्य संपवलं, कारण ऐकून धक्काच बसेल

छत्तीसगडमधील रायपूरमधून एक धक्कादायक बातमी समोर येत आहे. १० महिन्यांपूर्वी लग्न झालेल्या महिलेनं व्हिडिओ शेअर करून आत्महत्या केली आहे. तिच्यावर घराची जबाबदाऱ्या होत्या. लग्नानंतर तिचे आयुष्य बदलेल अशी अपेक्षा तिला होती. मात्र, तसं घडलं नाही. सासरच्या मंडळींकडून होणारा त्रास तरूणीला सहन झाला नाही. तिनं आत्महत्या करण्याचा निर्णय घेतला. पोलिसांनी व्हिडिओवरून तपासाला सुरूवात केली आहे. सध्या पोलिसांकडून अधिक तपास सुरू आहे.

मनीषा गोस्वामी (वय वर्ष २४)असे मृत विवाहित तरूणीचे नाव आहे. तिचे १० महिन्यांपूर्वी लग्न झाले होते. खरंतर ती रायपूर येथील रहिवासी होती. ती कुटुंबात सर्वात मोठी होती. तिच्यावर अनेक जबाबदाऱ्या होत्या. तिचे वडील एकटेच घर चालवत होते. लग्नानंतर तिचे आयुष्य बदलेल असं तिला वाटलं होतं. पण सासरच्या मंडळींनी तिला त्रास द्यायला सुरूवात केली.

सुरूवातीला छोटे मोठे वाद झाले. मात्र, घरात दररोज भांडणे व्हायची. मनीषाचे पती आशुतोष, दीर आणि सासरे तिला कायम त्रास द्यायचे. हुंड्यावरून अनेकदा वाद व्हायचे. कुटुंबाकडून सतत होणाऱ्या त्रासाला कंटाळून मनीषानं टोकाचं पाऊल उचलण्याचा निर्णय घेतला. ती मानसिकदृष्ट्या खचली.

मनीषाने मृत्यूपूर्वी व्हिड़िओ तयार केला. पतीकडून सतत मारहाण, सासूकडून छळ, या त्रासाला मनीषा कंटाळली. १० महिन्यांच्या लग्नात १० दिवसही आनंदात राहू शकली नाही, असं तिनं व्हिडिओत म्हटलंय. 'माझ्याकडे कोणताही पर्याय उरला नाही. मी आयुष्याला कंटाळली आहे', असं म्हणत तरूणीनं आयुष्य संपवलं आहे.

या घटनेनंतर तरूणीच्या वडिलांनी थेट डीडी नगर पोलीस ठाणे गाठले. तसेच सासरच्या मंडळींविरोधात तक्रार दाखल केली. या प्रकरणी पोलिसांनी तक्रारीनुसार, गुन्हा दाखल केला आहे. पोलिसांकडून मोबाईल फोन आणि डिजिटल पुरावे तपासले जात आहे. मृतदेह शवविच्छेदनासाठी रूग्णालयात पाठवण्यात आलं आहे. सध्या पोलिसांकडून तपास सुरू आहे.