Devendra Fadnavis on Sharad Pawar Resignation Statement: महाराष्ट्राच्या राजकारणात आज सर्वात मोठी राजकीय घडामोड घडली. राष्ट्रवादी काँग्रेसचे अध्यक्ष शरद पवार यांनी पक्षाच्या अध्यक्षपदावरून पायउतार होत असल्याचा निर्णय जाहीर केला. 'लोक माझे सांगाती' या आपल्या राजकीय आत्मकथेच्या नव्या आवृत्तीच्या प्रकाशन समारंभात पवार यांनी आपला निर्णय जाहीर केला. (Latest Marathi News)

ज्यांच्या नेतृत्वात पक्षाची स्थापना झाली आणि पाळंमुळं महाराष्ट्रात रुजली, त्या शरद पवारांनीच अध्यक्षपदाचा राजीनामा देण्याचा निर्णय घेतल्याने राष्ट्रवादीचे नेते आणि कार्यकर्ते सैरभैर झाले. यावेळी अनेकांना अश्रू अनावर झाले. तसंच काहींनी तर तुमचा हा निर्णय मान्य नसल्याचं सांगत जोपर्यंत तुम्ही निर्णय बदलणार नाही, तोपर्यंत आम्ही इथून हटणार नाही, अशी भूमिका पवारांसमोर घेतली. (Breaking Marathi News)

दरम्यान, शरद पवार यांच्या या निर्णयानंतर राजकीय नेत्यांच्या प्रतिक्रिया येत आहेत. महाराष्ट्राचे उपमुख्यमंत्री देवेंद्र फडणवीस यांनी सुद्धा शरद पवार यांच्या निर्णयावर आपली प्रतिक्रिया दिली आहे. शरद पवार यांचा अंतिम निर्णय झाल्यानंतर आपण पुढे काय ते बोलू, असं देवेंद्र फडणवीस यांनी म्हटलं आहे. ते नागपुरात बोलत होते.

आता तरी मी एवढेच म्हणेल, हा पवार साहेबांचा वैयक्तिक आणि राष्ट्रवादीचा आंतरिक निर्णय किंवा फैसला आहे. या स्टेजला यावर अधिक बोलणं योग्य होणार नाही. त्यांच्या पक्षातही अनेक मंथन सुरू आहे. त्यामुळे नेमकी परिस्थिती काय आहे, हे लक्षात आल्यानंतरच त्यावर योग्य प्रतिक्रिया देता येईल, असंही फडणवीस म्हणाले. (Maharashtra Political News)

मी शरद पवार  (Sharad Pawar) साहेबांचं पुस्तक वाचलेलं नाही. मात्र मला ही एक पुस्तक लिहायचं आहे, ते मी योग्य वेळी लिहिणार त्यामुळे नेमकं त्यांनी काय लिहिलं आहे, हे मला माहिती नाही. मला काय वाटते अशा अनेक गोष्टी आहेत. त्या सगळ्या गोष्टी मी पुस्तक लिहिल त्यात तुम्हाला दिसेल, असंही फडणवीसांनी म्हटलं आहे.

Edited by - Satish Daud