Gopichand Padalkar On Jayant Patil : भाजपचे आमदार गोपीचंद पडळकरांची जीभ पुन्हा घसरली आहे. जयंत पाटलांच्या कितव्या बायकोचे मंगळसूत्र चोरलं, ते त्यांनी सांगावं असं पडळकर म्हणालेयत. माझ्यावर जयंत पाटील मंगळसूत्र चोरीचा आरोप करतात, त्यांनीच सांगावं, मी कितव्या बायकोचं मंगळसूत्र चोरलं म्हणत पडळकरांनी पुन्हा बेताल विधान केलं आहे. तर काही दिवसांपूर्वी त्यांनी जयंत पाटील राजारामबापू पाटील यांची औलाद वाटतं नसल्याचं वक्तव्य केलं होतं. त्यानंतर वाद उफळला होता. मुख्यमंत्री देवेंद्र फडवीसांच्या तंबीनंतर ही पडळकर आपल्या वक्तव्यावर ठाम आहे. पुन्हा एकदा जयंत पाटील यांच्याविरोधात बोलताना वादग्रस्त वक्तव्य केलेय. ते सांगलीमध्ये बोलत होते.

जयंत पाटलांच्यावर केलेल्या टिकेबाबत आमदार गोपीचंद पडळकरांनी आपली भूमिका स्पष्ट करत केलेल्या त्या विधानावर ठाम असल्याचं पुन्हा स्पष्ट केले. त्याच वक्तव्यावरून जयंत पाटलांना डिवचले आहे. पूर्वीच्या काळात दत्तक घेतले जायचं, भांड्यावर दत्तक घेतले जात होते, मागे मागे आलेल्याना दत्तक घेत होते,मला वाटलं तसेच काही तर आहे, अश्या शब्दात गोपीचंद पडळकरांनी जयंत पाटलांच्यावर पुन्हा एकदा टीका केली.

तसेच मला उचलण्याची भाषा केली जात आहे, पण जयंत पाटील व त्यांच्या कुत्र्यांना माझे चॅलेंज आहे, तुम्ही जातीवंत पाटील असाल तर पत्रकार परिषद घेऊन ठिकाण-वेळ जाहीर करा, मी त्या ठिकाणी येतो,असे खुले आव्हान देखील पडळकरांनी दिले आहे. तसेच मला गोप्या म्हणलं जातंय, मग मी जयंत पाटलांना जंत्या म्हणू का ? अशा शब्दात पडळकरांनी जयंत पाटलांवर टीका केली आहे.