संत ज्ञानेश्वर महाराज पालखी महामार्गावरील पंढरपूर जवळच्या भीमानदीवर उभारण्यात आलेल्या सर्वात मोठ्या पुलाचे काम पूर्ण झाले आहे. आषाढीवारी पूर्वी हा पुल वाहतूकीसाठी खुला केला जाणार आहे. हा पुल सुरू झाल्यानंतर पंढरपूर शहरातील वाहतूक कोंडीची प्रश्न कायमस्वरूपी मिटणार असल्याचा विश्वास प्रशासनाकडून व्यक्त केला जात आहे.

पंढरपूर पासून पुढे मोहोळ पर्यंत पालखी मार्ग जोडण्यात आला आहे. या मार्गांवर कौठाळी ते गुरसाळे दरम्यान सुमारे 625 मीटर लांबीचा पूल बांधण्यात आला आहे. पूलाचे काम अवघ्या 30 महिन्यात पूर्ण करण्यात आले आहे.

भीमानदीला महापूर आला तरी हा पूल वाहातुकीसाठी खूला राहिल इतक्या उंचीवर हा पूल उभारला आहे. या पुलामुळे पंढरपूर शहरातील वाहतूक कोंडीचा प्रश्न कायमस्वरूपी मिटणार आहे.

Edited By : Siddharth Latkar