योगेश काशिद, साम टीव्ही

संतोष देशमुख यांच्या हत्येचे फोटो समोर आल्यानंतर संपूर्ण राज्यात खळबळ उडाली आहे. संतोष देशमुख यांच्या हत्या प्रकरणानंतर बीडमधील राजकारण तापलं आहे. देशमुख यांच्या हत्येचे फोटो समोर आल्यानंतर एकच संताप व्यक्त केला जात आहे. देशमुखांची क्रूरपणे हत्या करणाऱ्यांवर कारवाईची मागणी केली जात आहे. संतोष देशमुख यांच्या हत्येचे धक्कादायक फोटो पाहिल्यानंतर एकाने आत्महत्या केल्याची धक्कादायक घटना घडली आहे.

संतोष देशमुख यांच्या हत्या वेळचे फोटो सोशल मीडियावर व्हायरल झाले आहेत. संतोष देशमुख यांच्या हत्येच्या वेळचे १५ व्हिडिओ आणि ८ फोटो समोर आले आहेत. या फोटोमध्ये संतोष देशमुख यांची क्रूरपणे हत्या केल्याचे दिसत आहे. आरोपी संतोष देशमुख यांना मारहाण करताना आरोपी हसतानाही दिसत आहे. एका आरोपीने संतोष देशमुख यांच्या चेहऱ्यावर लघूशंका देखील केल्याचे समोर आले आहे.

संतोष देशमुख यांचा अमानुष छळ बघावला न गेल्याने केज तालुक्यातील जानेगाव येथील तरुणाने आत्महत्या केल्याची घटना घडली आहे. संतोष देशमुख यांच्या हत्या वेळीचे फोटो बघावले न गेल्यामुळे केजच्या जानेगावमधील तरुणाने आत्महत्या केल्याचे समोर आले आहे.

संतोष देशमुख यांच्या हत्या प्रकरणातील दोषारोप पत्रातील फोटो सोशल मीडियावर व्हायरल झाले आहेत. या फोटोमुळे मोठा आक्रोश बीड जिल्ह्यामध्ये पाहायला मिळाला हे फोटो न पाहावल्यामुळे केज तालुक्यातील जानेगाव येथील एका तरुणाने गळफास घेऊन जीवन संपवले आहे.

संतोष देशमुख यांना मारहाण करतानाचे फोटो पाहून धक्का बसल्याने जानेगाव येथील रहिवासी असलेल्या २३ वर्षीय तरुणाने धक्क्यातून टोकाचे पाऊल उचलले आहे. या तरुणाचे नाव अशोक हरिभाऊ शिंदे असून त्याने गळफास घेऊन आपले जीवन संपवले आहे. संतोष देशमुख हत्या प्रकरणातील दोषारोप पत्रातील व्हायरल झालेले फोटो पाहून केज तालुक्यातील जानेगाव येथील शिंदे हे प्रचंड विचलित आणि अस्वस्थ झाले होते.