पुण्यातील सासवडमध्ये एका कपलनं मल्हारगडावर दुर्गप्रेमीवर प्राणघातक हल्ला केला होता. दुर्गप्रेमीनं कपल रोमान्स करत असताना रंगेहाथ पकडलं. यानंतर संतापलेल्या कपलनं दुर्गप्रेमीवर दगडानं हल्ला केला. यात दुर्गप्रेमी गंभीर जखमी झाला असून, त्याच्यावर उपचार सुरू आहे. या धक्कादायक घटनेनंतर पोलिसांनी प्रेमी युगुलावर कारवाई करत त्यांना अटक केली आहे.
मल्हारगडावर अश्लील चाळे करणाऱ्या प्रेमी युगुलावर सासवड पोलीस ठाण्यात गुन्हा दाखल करून अटक करण्यात आली आहे. माउंटन ट्रेल रेसचा सराव करणाऱ्या तरुणानं सासवड पोलीस ठाण्यात तक्रार दाखल केली होती. याप्रकरणी वेदांत जाधव आणि एका मुलीवर गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार प्रमोद जगताप हा दररोज माउंटन ट्रेल रेसचा सराव करतो. शनिवारी सायंकाळी साडेपाच वाजण्याच्या सुमारास राहत्या घरातून माउंटन ट्रेल रेसच्या सरावासाठी किल्ले मल्हारगडावर निघाला होते. यावेळी झेंडेवाडी बाजूकडील बुरुजाच्या तटबंदीच्या आडोशाला एक अनोळखी कपल बसले होते. आडोशाला बसून कपल अश्लील चाळे करत होते.
यावेळी जगताप यानं कपलला समजावून सांगण्याचा प्रयत्न केला. यानंतर वेदांत जाधव यानं जगतापला 'गडकिल्ला तुझ्या बापाचा आहे का?' असे म्हणून धक्का देऊन पाठीत दगड मारला. नंतर तरूणीनं जगताप याच्या डोक्यात दगड मारायला सुरुवात केली. यात जगताप गंभीर जखमी झाला.
त्यानंतर जगताप रक्तबंबाळ अवस्थेत गडाखाली आला. मित्र कुंडलीक जाधव याला फोन करून बोलावून घेतले. तसेच सासवड पोलिस ठाण्यात दाखल होत या प्रकरणाची माहिती दिली. जगताप याच्यावर खासगी रुग्णालयात उपचार सुरू आहेत. दरम्यान या कपलला सासवड पोलिसांनी अटक केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.