बीडच्या लुखामसला गावचे उपसरपंच गोविंद बर्गे आत्महत्याप्रकरणी नवनवीन माहिती समोर येत आहे. या प्रकरणी नर्तिका पूजा गायकवाड सध्या पोलिसांच्या ताब्यात आहे. सध्या पोलिसांकडून कसून तपास सुरू आहे. पोलिसांनी कॉल लॉग आणि बँक डिटेल्स जप्त केले आहेत. आता पोलिसांच्या हाती व्हॉट्सअॅप चॅट्स आले आहेत. या चॅट्समधून गोविंद यांनी पूजाला आत्महत्याची धमकी दिल्याची माहिती समोर आली आहे.

सोमवारी पूजाची पोलीस कोठडी संपली. तिला बार्शी न्यायालयात हजर करण्यात आले. यावेळी पोलिसांनी व्हॉट्सअॅप चॅट्स आणि कॉल डिटेल्स कोर्टात सादर केले. व्हॉट्सअॅप चॅट्स आणि कॉल डिटेल्समधून धक्कादायक माहिती समोर आली आहे. पूजा आणि गोविंद बीडमधील विवध ठिकाणी लॉजवर भेटायचे. धक्कादायक म्हणजे व्हॉट्सअॅप चॅट्समध्ये गोविंद याने पूजाला आत्महत्याची धमकी दिल्याची माहिती समोर आली आहे.

प्रेमसंबंधात गोविंद याने पूजावर महागड्या वस्तूंची उधळण केली होती. तिला सोन्या चांदीचे दागिने, महागडा मोबाईल तसेच ७ लाखांचा प्लॉट विकत घेऊन दिला होता. दोघांच्या बँक खात्याचीही तपासणी करण्यात आली. दोघांमध्ये आर्थिक व्यवहारही झाले. पोलिसांनी या प्रकरणी अनेकांचा जबाब नोंदवून घेतला आहे. पोलिसांनी पूजाच्या मैत्रिणीचाही जबाब नोंदवून घेतला आहे.

पूजा गायकवाडला जामिन मिळणार?

एकूण सात दिवस पोलीस कोठडीत राहिल्यानंतर बार्शी न्यायालयाने पूजाला १४ दिवसांची न्यायलयीन कोठडी सुनावली आहे. आता पूजा गायकवाड जामिनासाठी अर्ज करू शकते. सध्या पूजाची सोलापुरातील महिला कारागृहात रवानगी करण्यात आली आहे.