सचिन बनसोडे, अहमदगर|ता. २० सप्टेंबर
Bacchu Kadu Criticizes Sanjay Raut Rohit Pawar: राज्याच्या राजकारणात विधानसभा निवडणुकांचे वारे वाहत आहेत. एकीकडे निवडणुकांच्या दृष्टीने महाविकास आघाडी तसेच महायुतीमध्ये जोरदार मोर्चेबांधणी सुरु असतानाच प्रहार’ संघटनेचे बच्चू कडू, ‘स्वाभिमानी शेतकरी’ संघटनेचे राजू शेट्टी तसेच ‘स्वराज्य’ संघटनेचे संभाजीराजे यांनी तिसऱ्या आघाडीचे आव्हान उभे केले आहे. छत्रपती संभाजीराजे छत्रपती, बच्चू कडू आणि राजू शेट्टी यांनी ‘परिवर्तन महाशक्ती’आघाडीची घोषणा केली. यावरुनच बोलताना संजय राऊत यांनी तिसरी आघाडी नेहमी भाजपला मदत करते, असे विधान केले होते. राऊत यांच्या या विधानावरुन प्रहार संघटनेचे नेते बच्चू कडू यांनी संताप व्यक्त केला आहे.
"संजय राऊत नेहमीच अभ्यास न करता वक्तव्य करतात, जेंव्हा काँग्रेस आणि भाजप लढत होती तेंव्हा शिवसेना तीसरीच होती, तेव्हा शिवसेना पैशांसाठी लढत होती का? महाराष्ट्राच्या सातबाऱ्यावर यांचं नाव आहे क? मी एकटा लढलो, पैशांसाठी लढलो का? कसा निवडून आलो ते संजय राऊतला माहीत नाही, काढली जीभ लावली टाळूला असे बोलू नये.. एका समजदार नेत्याने असे बोलणे उचित नाही, तुमच्यासोबत आलो असतो तर चांगला असतो. तिसऱ्या आघाडीचा फायदा काँग्रेसला होईल की भाजपला हे तुम्ही कसं ठरवले? अभ्यास न करता बावळट पोरासारखं बोलणं संजय राऊतला शोभत नाही, संजय राऊतांनी सांभाळून बोलावे, "असा इशारा बच्चू कडू यांनी दिला.
"आम्ही लढूच नये असे रोहित पवारांना वाटतंय का? आम्ही संघर्षातून आलोय म्हणजे फक्त सतरंज्या उचलायच्या का? आम्ही दुसरे आहोत की तिसरे हे मतदार ठरवतील. राष्ट्रवादीची सत्ता राज्यात आणि केंद्रातही होती. स्वामीनाथन आयोगाच्या शिफारशी का लागू झाल्या नाहीत? तुम्ही मुस्लिमांना आरक्षण का दिलं नाही? मुस्लिमांची मते घेतली मात्र आरक्षण नाही देता आले, तुम्ही केलं नाही म्हणून आम्हाला उतरावं लागतंय. आम्ही सर्व 288 जागा लढवणार आहे. महायुती आणि महाविकास आघाडीतील नाराज कुठे जातील? ते आमच्याकडेच येतील," असा दावाही बच्चू कडू यांनी केला.
दरम्यान, भाजप आणि काँग्रेस एकाच नाण्याच्या दोन बाजू, मी माझ्या मतदारसंघात तिसरा पक्ष म्हणून निवडून आलो, यांचं ऐकलं असतं तर मी आमदार झालो असतो का? राष्ट्रवादी किंवा भाजपासोबत रहावे असे यांना वाटते, महाराष्ट्र यांच्या बापाचा आहे का? असे म्हणत बच्चू कडू यांनी रोहित पवार यांच्यावर जोरदार हल्लाबोल केला.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.