- अमर घटारे

Amravati News :

विविध मांगण्यांची राज्य सरकारकडून पूर्तता हाेत नसल्याने अमरावती शहरात आज (साेमवार) शालेय पोषण आहार कर्मचारी यांनी जेलभरो आंदोलन केले. यावेळी आंदाेलकांनी सरकार विराेधात घाेषणाबाजी केली. पाेलिसांनी आंदाेलकांना ताब्यात घेत त्यांच्यावर कारवाई केली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सरकारने घोषणा केलेल्या वाढीव 1500 रुपयांची पूर्तता न केल्याने आज आंदोलन छेडण्यात आले. या सोबतच सेंट्रल किचन बंद करण्यात यावे, पोषण आहार कर्मचाऱ्यांना किमान वेतन एकत्रित सव्वीस हजार रुपये मानधन देण्यात यावे या प्रमुख मागण्या घेऊन शालेय पोषण आहार कर्मचाऱ्यांनी आज जेलभर आंदोलन केले.

अमरावतीच्या जिल्हाधिकारी कार्यालय परिसरात शेकडो शालेय पोषण आहार कर्मचारी महिला या आंदोलनात सहभागी झाले हाेते. यावेळी आंदाेलकांनी सरकार विरोधी जोरदार घोषणाबाजी केली. या आंदाेलनाच्या पार्श्वभूमीवर जिल्हाधिकारी कार्यालय परिसरात पोलिसांचा तगडा बंदोबस्त हाेता. काही महिलांना पोलिसांनी ताब्यात घेतलं. (Maharashtra News)

Edited By : Siddharth Latkar