भारतीय रेल्वेत आता ९ नवीन अमृत भारत एक्सप्रेसचा समावेश होणार आहे. ९ वेगवेगळ्या मार्गांवर या ९ अमृत भारत एक्सप्रेसक धावणार आहेत. सरकार लवकरच अमृत भारत एक्सप्रेस लाँच करणार आहे. याबाबत केंद्रीय रेल्वे मंत्री अश्विनी वैष्णव यांनी माहिती दिली आहे. त्यांनी ज्या ९ मार्गांवर अमृत भारत एक्सप्रेस धावणार आहे त्याबाबतही माहिती दिली आहे. या नवीन ट्रेन पश्चिम बंगाल, आसाम, बिहार, उत्तर प्रदेश, हरियाणा, दिल्ली, ओडिशा, आंध्र प्रदेश, कर्नाटक, महाराष्ट्र, तामिळनाडू येथून धावणार आहे. त्यामुळे प्रवाशांना खूप फायदा होणार आहे.

या मार्गांवर धावणार अमृत भारत एक्सप्रेस (Amrit Bharat Express Train Route)

गुवाहाटी (कामाख्या)- रोहतक भारत एक्सप्रेस

डिब्रुगड-लखनऊ (गोमती नगर)

न्यू जलपाईगुडी-नागरकोइल अमृत भारत एक्सप्रेस

न्यू जलपाईगुडी- तिरुचिरापल्ली अमृत भारत एक्सप्रेस

अलीपुरद्वारे-एसएमवीटी बंगळुरु अमृत भारत एक्सप्रेस

अलीपुरद्वार-मुंबई अमृत भारत एक्सप्रेस

कोलकत्ता-ताम्बरम अमृत भारत एक्सप्रेस

कोलकत्ता हावडा- आनंद विहार टर्मिनल ट्रेन

कोलकत्ता (सियालदह)- बनासर अमृत भारत एक्सप्रेस

अमृत भारत एक्सप्रेस ट्रेनचं तिकीट किती? (Amrit Bharat Express Ticket Price)

अमृत भारत एक्सप्रेस ट्रेनचा नॉन एसी स्लीपर कोच लांब पल्ल्यासठी डिझाइन केले आहे. या ट्रेनचे तिकीटे १००० किलोमीटरसाठी २०० रुपये आहेत. दरम्यान, तुम्ही किती लांब प्रवास करता त्यावर ते भाडे बदलते. २०२३ पासून राज्यात अमृत भारत एक्सप्रेस सुरु झाल्या आहेत. आतापर्यंत ३० ट्रेन चालवल्या जात आहेत. यानंतर आता आठवड्याभरात अजून ९ ट्रेन सुरु केल्या जाणार आहे. यामुळे देशात ३९ अमृत भारत एक्सप्रेस धावणार आहेत.