Maharashtra Political Updates: राज्यातील आगामी विधानसभा निवडणुकीसाठी ऑल इंडिया मजलीस-ए-इत्तेहादुल मुस्लिमीन (एमआयएम) पक्षाने आपले उमेदवार जाहीर केले आहेत. छत्रपती संभाजीनगर येथे आयोजित पत्रकार परिषदेत पक्षाचे अध्यक्ष असदुद्दीन ओवैसी यांनी एमआयमचे ५ उमेदवार जाहीर केले आहेत.

यातच पक्षाचे माजी खासदार इम्तियाज जलील यांच्यावर पुन्हा एकदा ओवैसी यांनी विश्वास दाखवत त्यांना छत्रपती संभाजीनगरमधून उमेदवारी जाहीर केली आहे. तसेच सोलापूर विधानसभा मतदारसंघातून फारुख शब्दी, मालेगाव येथून मुफ्ती इस्माईल, धुळे येथून फारुख शहा आणि मुंबईत फैयाज अहमद खान यांच्या नावाची घोषणा केली आहे.

या पत्रकार परिषदेत बोलता असदुद्दीन ओवैसी यांनी वक्फ बोर्डाचा मुद्दाही उपस्थित केला. यावर बोलताना ते म्हणाले की, वक्फच्या जागा या सरकारी नाही, खाजगी जागा आहे. मोदी सरकार याला संपविण्यासाठी हे बिल आणले आहेत. या बिल विरोधात क्यूआर कोड मार्फत विरोध दर्शवावा.

ते म्हणाले, ''मोदी बोलतात २०० वर्ष जुने कागद घेऊन या. मोदी हे जिल्हाधिकारी यांना जास्तीचे अधिकार देत आहेत. नरेंद्र मोदी मुस्लीमांकडून जमीन हिसकावून घेत आहेत.'' ओवैसी म्हणाले, ''हे कायदा बनवत आहेत. मात्र देशातील सर्व पक्षांनी विचार केला पाहिजे. हा कायदा वक्फ वाचविण्यासाठी नाही, तर हा कायदा वक्फ संपविण्यासाठी आहे.''

असदुद्दीन ओवैसी पुढे म्हणाले की, ''सबका साथ, सब का विकास, साबका विश्वास हा फक्त धोका आहे. अनेक राज्यात मुस्लिमांवर बुलडोझर चालविले जात आहे.''