शुभम देशमुख/संजय राठोड 
भंडारा : संपूर्ण महाराष्ट्रात अंगणवाडी कर्मचाऱ्यांनी विविध मागण्यांना घेऊन बेमुदत आंदोलन सुरू केले आहे. मागण्यांबाबत प्रशासनाकडून अद्याप निर्णय होत नसल्याने (Anganwadi Worker) अंगणवाडी सेविका संपावर ठाम आहेत. या दरम्यान आज देखील आंदोलन करण्यात आले असून (Bhandara) भंडाऱ्यात चटणी भाकर खाऊन व यवतमाळमध्ये रास्ता रोको आंदोलन करत निषेध करण्यात आला. (Breaking Marathi News)

भंडारा येथील अंगणवाडी कर्मचाऱ्यांनी जिल्हा परिषद कार्यालयासमोर मागील ४ डिसेंबरपासून बेमुदत संप सुरू आहे. संपाच्या २५ व्या दिवशी भंडारा जिल्हा परिषद समोर आयटक एचएमएस या संघटनेच्यावतीने संपात अंगणवाडी कर्मचाऱ्यांनी चटणी भाकर आंदोलन करून शासनाप्रती आपला रोष व्यक्त केला. अंगणवाडी कर्मचाऱ्यांच्या चटणी भाकर आंदोलनाने जिल्ह्यातील संपूर्ण नागरिकांचे लक्ष वेधले आहे. मात्र प्रशासनाने याकडे पूर्णतः दुर्लक्ष केल्याने कर्मचाऱ्यांनी शासनाप्रती तीव्र रोष व्यक्त केला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

यवतमाळमध्ये दोन तास रास्तारोको
यवतमाळ : विविध मागण्यांसाठी अंगणवाडी कर्मचार्‍यांनी (Yavatmal) जेलभरो आंदोलन केले. आपल्या मागण्यांकडे शासनाचे लक्ष वेधण्यासाठी अंगणवाडी कर्मचार्‍यांनी तब्बल दोन तास जुन्या बसस्थानक चौकात ठिय्या देत रास्ता रोको केला. यावेळी केंद्र आणि राज्य सरकार विरोधात जोरदार घोषणाबाजी देत परिसर दणाणून सोडला. अंगणवाडी सेविकांचा अनेक प्रश्‍न प्रलंबित आहेत. यासाठी त्यांचा सातत्याने पाठपुरावा सुरू आहे. मात्र, शासनाकडून कर्मचार्‍यांच्या मागण्यांकडे सातत्याने दुर्लक्ष केले जात असल्याचा आरोप अंगणवाडी सेविकांचा आहे.