Agriculture News : खरबूज पिक धोक्यात; सततच्या वातावरणीय बदलामुळे विविध रोगाचा प्रादुर्भाव

संदीप भोसले

निलंगा (लातूर) : गेल्या काही दिवसापासून लातूर जिल्ह्यात सतत होणाऱ्या वातावरणातील बदलामुळे निलंगा (Nilanga) तालुक्यातील खरबूज पिक धोक्यात आले आहे. या बदलत्या (Latur) वातावरणामुळे खरबूज पिकावर विविध रोगांचा प्रादुर्भाव पडल्याचे पाहावयास मिळत आहे. (Maharashtra News)

लातूरच्या निलंगा तालुक्यातील सांगवी - जेवरी परिसरात असलेल्या अनेक शेतकरी (Farmer) संकटात सापडले आहेत. सतत होणाऱ्या हवामानातील बदलामुळे खरबुज पिकांवर रोगराईचा प्रादुर्भाव वाढला आहे. जिल्ह्यातील अनेक भागात खरबूज हे फळ पीक मोठ्या प्रमाणात घेतले जाते. मात्र याच पीकावर आता पांढरी बुरशी आणि दावणी या रोगाचा प्रादुर्भाव झाल्यामुळे खरबूज पीक वेल अवस्थेतच वाळून जात आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पंचनाम्याची मागणी 

अनेक महागड्या रासायनिक औषधाची  फवारणी करून देखील रोग आटोक्यात येत नाही. त्यामुळे आता शेतकरी हतबल झाले आहेत. वातावरण बदलामुळे होत असलेल्या नुकसानीचे प्रशासनाने तात्काळ पंचनामे करून मदत द्यावी; अशी मागणी शेतकरी करत आहेत.