Anganwadi Worker : अंगणवाडी सेविकांचा थाळ्या वाजवत आंदोलन; मागण्या संदर्भात मोर्चा काढत केले आंदोलन

धुळे : प्रलंबित मागण्यांसाठी अंगणवाडी सेविका मागील काही दिवसांपासून संपावर आहेत. शासनाकडून अद्याप (Dhule) मागण्यांसंदर्भात काही तोडगा काढण्यात आलेला नाही. यामुळे प्रशासनाला जग आणण्यासाठी अंगणवाडी सेविकांनी मोर्चा काढत थाडी नाद आंदोलन केले. (Tajya Batmya)

महाराष्ट्र राज्य कृती समितीच्यावतीने आज अंगणवाडी सेविकांचा धुळे जिल्हाधिकारी कार्यालयावर भव्य मोर्चा काढण्यात आला होता. या मोर्चादरम्यान मोठ्या संख्येने अंगणवाडी सेविका (Anganwadi Workers) सहभागी झाल्याचे बघावयास मिळाले आहे. वेतन वाढ त्याचबरोबर शासनाने ठरवून दिल्याप्रमाणे मोबाईल देणे व पेन्शन त्याचबरोबर ग्रॅज्युएटी देण्यात यावी, या प्रमुख मागण्यांसाठी हा भव्य मोर्चा अंगणवाडी सेविकांचा जिल्हाधिकारी कार्यालयावर काढण्यात आला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मोर्चामध्ये सहभागी झालेल्या सर्व अंगणवाडी सेविकांनी जिल्हाधिकारी कार्यालयाच्या परिसरात बसून थाळ्या वाजून झोपलेल्या प्रशासनाला जाग करण्याचा प्रयत्न केला. त्याचबरोबर प्रशासनाने या मागण्यासंदर्भात सकारात्मक भूमिका न घेतल्यास आंदोलनाची तीव्रता आणखीन वाढविण्याचा देखील इशारा प्रशासनाला यावेळी आंदोलकांतर्फे देण्यात आला आहे.