Dhule Corporation : सेवानिवृत्त शिक्षकांचा महापालिकेच्या प्रवेशव्दारावर डफ वाजवून आंदोलन

धुळे : सातव्या वेतन आयोगाच्या थकीत रक्कमेसाठी आज मनपाच्या सेवानिवृत्त प्राथमिक शिक्षकांनी सहकुटूंब (Dhule) महानगरपालिका प्रवेशव्दारावर डफ वाजवून आवाज सुनो आंदोलन केले आहे. शिक्षकांच्या या आंदोलनाला (NCP) राष्ट्रवादी काँग्रेस अजित पवार गटाने देखील पाठिंबा दिला आहे. (Latest Marathi News)

धुळे महानगरपालिकेच्या सेवानिवृत्त प्राथमिक शिक्षकांना जानेवारी २०१६ पासून सातव्या वेतन आयोगाच्या ५० टक्के थकीत फरकाच्या (Dhule Corporation) रकमा अद्याप मिळालेल्या नाहीत. तसेच जानेवारी ते डिसेंबर २०१९ पर्यंतच्या सातव्या वेतन आयोगाच्या ५० टक्के रक्कमा धुळे मनपाने अदा केलेल्या नाहीत. मनपाकडे या निवृत्त शिक्षकांची ५० टक्के हिश्याची २ कोटी २२ लाख ५० हजार रूपये इतकी थकबाकी आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तर दररोज सकाळी वाजविणार डफ 

सेवानिवृत्त शिक्षकांनी वारंवार मागणी करून देखील थकीत वेतनाचा फरक देण्याची तयारी महापालिकेने दर्शविली नाही. यामुळे आजचे आंदोलन करण्यात आले असून हे थकीत रक्कम लवकरात लवकर मिळावे यासाठी या आंदोलन आंदोलन तर्फे करण्यात येत आहे. जोपर्यंत थकीत रक्कम मिळत नाही, तोपर्यंत दररोज सकाळी हे आंदोलन केले जाईल, अशा इशारा यावेळी आंदोलकांतर्फे देण्यात आला आहे.