संजय महाजन, साम टीव्ही

जळगाव : विधानसभा निवडणुकीत सेलिब्रिटी मंडळी देखील आघाडीवर आहेत. सेलिब्रिटी मंडळी देखील उन्हातान्हात राजकीय पक्षाच्या उमेदवाराचा प्रचार करताना दिसत आहेत. मागील लोकसभा निवडणुकीदरम्यान शिंदे गटात पक्षात प्रवेश केलेल्या गोविंदा देखील प्रचार करत आहेत. जळगावमधील पाचोरा विधानसभा मतदारसंघात महायुतीचे उमेदवार किशोर पाटील यांच्या प्रचारासाठी अभिनेता गोविंदा आला होता. जळगावमध्ये आलेल्या गोविंदाची अचानक तब्येत बिघडली. त्यानंतर गोविंदाची तब्येत बिघडली.

गोविंदा म्हणाला, किशोर पाटील यांच्यासाठी शुभेच्छा देतो. ते एकनाथ शिंदे, पंतप्रधान नरेंद्र मोदी यांच्यासोबत आहेत. देशात होणाऱ्या प्रगती सोबत आहेत. मी आईला प्रार्थना करतो की, किशोर पाटील विजयी होवो. माझी तब्येत ठिक नसल्याने मी येथून निघत आहे. मी येथील जनतेची क्षमा मागतो. येथील लोकांनी प्रेमाने माझी वाट बघितली आणि मी अर्ध्यातून जात आहे. माझी तब्येत ठिक नाही. मला गोळी लागलेली होती आणि आता सध्या छातीमध्ये दुखत आहे'.

'मी कुठलीही जोखीम न घेता येथून निघत आहे. किशोर पाटील विजयी झाल्यानंतर मी पुन्हा या ठिकाणी येईल. शिवसेना नेहमी आपला पुरुषार्थ घेऊन चालली आहे. महायुती नक्कीच विजय होईल. देशाला पुढे नेण्यासाठी महाराष्ट्रातील सर्व सितारे पुढे आले आहे. महाराष्ट्रच्या भूमीची कृपा राहिली आहे. नरेंद्र मोदी आणि एकनाथ शिंदेंमुळे महाराष्ट्राकडे बघायला सुरुवात केली नक्की ती प्रगती आहे, असा गोविंदा पुढे म्हणाला.

'मी त्या शिवसेनेला देखील माझे सेवा दिलेली आहे. बाळासाहेब ठाकरे यांच्या सिनेमांमध्ये हिरो राहिलो आहे. मी 'हसीना मान जाएगी'मध्ये हिरो राहिलो आहे. मी शिवसेनेसोबत जोडलेला आहे. आता मी एकनाथ शिंदे यांच्यासोबत आहे, असेही त्याने सांगितले.