Mumbai Lake Water Level : मुंबईकरांसाठी खूशखबर! तुळशी तलाव ओव्हरफ्लो, ७ तलावात किती पाणीपुरवठा?

संजय गडदे, साम टीव्ही

मुंबईकरांसाठी दिलासादायक बातमी आहे. मुंबईला पाणीपुरवठा करणारा तुळशी तलाव गुरुवारी संध्याकाळी ६.४५ वाजता ओव्हरफ्लो झाला. या तलावाची क्षमता ८०४.६० कोटी लिटर आहे. यंदा तो १६ ऑगस्टला भरला. मुंबईला पाणी देणाऱ्या सातही तलावांमध्ये सध्या ९०.१६ टक्के म्हणजेच १,३०,४९८.१ कोटी लिटर पाणी उपलब्ध आहे. यामुळे आगामी दिवसांत पाणीपुरवठा सुरळीत राहण्याची शक्यता आहे.