नांदेड - कंधारच्या Kandhar आठवडी बाजारात भिषण अपघात Accident झाला आहे. ब्रेक फेल Break Fail झाल्याने टेम्पो Tempo थेट बाजारात घुसला आहे. जिल्ह्यात आठवडी बाजारात भरधाव टेम्पो घुसून झालेल्या अपघातात दोनजण ठार, तर 16 जण गंभीर जखमी झाले आहेत. कंधार येथील महाराणा प्रताप चौकात काल सायंकाळी हा भिषण अपघात झाला आहे.

हे देखील पहा -

विटकरीने भरलेला टेम्पो बाजारपेठेत अचानक घुसला आणि बाजारासाठी आलेल्या लोकांना काही कळणाच्या आतच टेम्पोने अनेकांना उडवले आणि त्यानानंतर सर्वत्र धावपळ सुरू झाली. या अपघातात पती आणि पत्नी दोघे ठार झाल्याची माहिती आहे. तर सोळाजण गंभीर जखमी झाले आहेत. अपघाताची माहिती मिळताच नागरिकांनी पोलीस आणि अँब्युलन्सला पाचारण केले.

त्यानंतर जखमींना सुरवातीला कंधारच्या शासकीय रुग्णालयात उपचारासाठी दाखल करण्यात आले. त्यानंतर पुढील उपचारासाठी जिल्हा शासकीय रुग्णालयात पाठवण्यात आले आहे. अपघात भर चौकात झाल्याने आणि बाजाराचा दिवस असल्याने नागरिकांची मोठी गर्दी जमली होती. जेसीबीच्या सहाय्याने टेम्पो बाजूला करण्यात आले. ब्रेक फेल झाल्याने हा अपघात झाल्याची प्राथमिक माहिती असून अपघात होताच टेम्पो चालक फरार झाला आहे.

Edited By - Shivani Tichkule