चोरी गेलेले दागिने फिर्यादीस पोलिसानी केले परत

जालना - शहरातल्या  गोपिकिशन नगर भागात राहणाऱ्या गोविद रामप्रसाद पांडे यांच्या घराचे कुलूप तोडून चोरट्याने Theft कपाटात ठेवलेले दागिने Gold व रोख रक्कम चोरून नेल्याची घटना चार महिन्यांपूर्वी जालना Jalna शहरात घडली होती.

हे देखील पहा -

या प्रकरणी गोविद रामप्रसाद पांडे यांच्या तक्रारी वरून सदर बाजार जालना पोलीस ठाण्यात चोरीचा गुन्हा दाखल करण्यात आला होता. तपास करून ही आरोपी सापडत नसल्याने सदरचा गुन्हा स्थानिक गुन्हे शाखेकडे वर्ग करण्यात आला होता. या गुन्ह्यात राज्या बाहेरील टोळीचा हात असल्याचा संशय पोलिसांना होता.

त्यावरून स्थानिक गुन्हे शाखेचे पोलीस अधिकारी व अंमलदार यांनी अथक प्रयत्न करुन आरोपी निष्पन्न करण्यासाठी सराईत गुन्हेगाराचा तपास सुरू केला असता आरोपी मध्यप्रदेशातील इंदौर शहरातील असल्याचे निष्पन्न झाले होते.

स्थानिक गुन्हे शाखेच्या पथकांनी इंदौरमध्ये जाऊन सराईत आरोपी पवन ऊर्फ भुन्थ रामदास आर्या याला राजा बाग इंदौर येथून शिताफीने अटक करून घटनेतील मुद्देमाल जशात तसा जप्त करून आरोपीकडून महाराष्ट्रातील इतर जिह्यातील केलेले गुन्हे सुद्धा उघडकीस आणत अटक केली. सदर बाजार पोलिसांनी न्यायालयाचे आदेशाचे पालन करत गुन्हात जप्त केलेल्या सोन्याचे दागीने व रोख ४ लाख ३६ हजाराचा मुद्देमाल फिर्यादी गोविद रामप्रसाद पांडे यांना परत केला आहे.

Edited By - Shivani Tichkule