परभणी : जिंतूर शहरातील येलदरी रोडवरील वीट भट्टयां समोर दुचाकी आणि टेम्पो यांच्या समोरासमोर झालेल्या अपघातात दुचाकीवरील 26 वर्षीय युवकाचा मृत्यू झाल्याची घटना आज दुपारी 12:30 वाजण्याच्या सुमारास घडली आहे.
अपघातात मयत युवक तालुक्यातील पिंपळगाव (का) येथील रहिवासी आहे. जिंतूर शहराला (Jintur City) जोडणाऱ्या बहुतांश रस्ते अरुंद व दयनीय असल्याने मागील दोन ते तीन महिन्यापासून अपघाताची मालिका सुरूच असून दोन महिन्यात तब्बल आठ जणांनी अपघातात आपला जीव गमावला असून अनेकजण गंभीररीत्या जखमी झाले आहेत.
त्यातच तालुक्यातील पिंपळगाव (का) येथील सचिन जानकीराम कऱ्हाळे (Sachin Janakiram Karhale) वय वर्ष 26 हा युवक दुचाकी क्रमांक MH22 AX 2886 वरून जिंतूरच्या दिशेने येत असतांना जिंतूर कडून एलदारीच्या दिशेने जात असलेल्या टेम्पोची वीट भट्टयां जवळ समोरासमोर जोराची धडक होऊन सचिन कऱ्हाळे याचा मृत्यू झाल्याने आणखीन एक मृत्यूची भर पडली आहे.
सदरील अपघात इतका भीषण होता की घटनास्थळावर सर्वत्र रक्त सांडला होता. अपघातानंतर जवळपास 20 मिनिटे युवक जागेवरच पडून होता. घटना घडताच टेम्पो चलाक टेम्पो घेऊन घटणास्थावरून पसार झाला होता. ग्रामीण रुग्णालयाला माहिती मिळाल्यानंतर सामाजिक कार्यकर्ते राम काजळे, नागेश आकात, वाहनचालक यांनी मयतास शवविच्छेदनासाठी रुग्णालयात दाखल केले.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.