Nashik: प्रियकर दुसरीकडे लग्न जमू देत नव्हता म्हणून प्रेयसीनेच त्याला जिवंत जाळले!

अभिजित सोनावणे

नाशिक: प्रेमप्रकरणातून तरुणाला जिवंत जाळण्याचा प्रयत्न झालाय. नाशिक जिल्ह्यातील देवळा तालुक्यातील लोहणेरमध्ये ही धक्कादायक घटना घडलीय. आज  सकाळी साडे अकरा वाजेच्या दरम्यान घडली. यामुळे तालुकाभरात खळबळीचे वातावरण आहे. या घटनेचा देवळा पोलिसांनी पंचनामा केला असून गुन्हा दाखल करण्याचे काम सुरू आहे. (Nashik Crime News In Marathi)

देवळ्यातील गोरख काशिनाथ बच्छाव याचे एका मुलीशी तीन वर्षांपासून ओळख होती. या प्रकरणात एकतर्फी प्रेमाची शक्यता वर्तवली जात आहे. युवक या मुलीचे लग्न मोडत होता. या रागातून मुलीचे आईवडील, दोन भाऊ आणि मुलीने लोहोणेर ग्रामपंचायत समोर गोरख बच्छाव यास मारहाण केली.

हे देखील पहा-

त्यात संताप अनावर झाल्याने मुलीने ज्वालाग्राही इंधन फेकून मुलाला जाळण्याचा प्रयत्न केला. यात तो पन्नास टक्के भाजला असून त्याला उपचारासाठी ग्रामीण रुग्णालयात दाखल करण्यात आलय. प्रेमप्रकरणातून झालेल्या या वादात मुलगी, आई, वडील आणि दोन भाऊ यांनी संगनमताने मुलाच्या डोक्यात वार करुन मुलीने अंगावर ज्वलनशिल पदार्थ टाकून जाळण्याचा प्रयत्न केल्याप्रकरणी पोलिसांनी मुलीसह पाच आरोपी ताब्यात घेतलंय.