गेल्या चारशे वर्षांपासून वारकारी आणि वाटसरुंना मायेची सावली देणारा वटवृक्ष अखेर नुकताच कोसळला. सांगलीच्या भोसे नजीक रत्नागिरी- नागपूर महामार्गा लगत असणारा भला मोठा वटवृक्ष कोसळल्याने पर्यावणप्रेमींना हूरहूर लागली आहे.

रत्नागिरी नागपूर महामार्ग बनवताना हा वटवृक्ष काढून टाकण्यात येणार होता. सांगली येथील पर्यावरणप्रेमींनी वटवृक्ष वाचवण्याची मोहिम सुरू केली होती. या आंदोलनात अभिनेते सयाजी शिंदे यांनी देखील सहभाग घेतला होता.

त्यानंतर तत्कालीन महाविकास आघाडीतील पर्यावरण मंत्री आदित्य ठाकरे यांनी आंदोलनाची दाखल घेत. केंद्रीय मंत्री नितीन गडकरी यांच्याकडे वटवृक्ष वाचवण्याची विनंती केली होती. गडकरींनी त्यास समंती दिली. त्यानंतर वटवृक्ष वाचवण्यासाठी चक्का महामार्गाची दिशा बदलण्यात आली हाेती. दरम्यान पावसामुळे अखेर हा वटवृक्ष उन्मळून पडला आहे.

Edited By : Siddharth Latkar