पगार थकल्याने नाशिक शहरातील सिटी लिंक बस सेवेच्या कर्मचाऱ्यांनी आजपासून (शुक्रवार) पुन्हा आंदोलन छेडले. परिणामी सिटी लिंक बस सेवेचे वेळापत्रक काेलमडले आहे. दरम्यान - नाशिक रोड डेपो मधील बस सेवा सुरळीत सुरु आहे.

नाशिक सिटी लिंक बस सेवा पूरविणा-या कर्मचा-यांचा गेल्या दाेन महिन्यांपासून पगार झालेला नाही. यामुळे सुमारे 300 कर्मचा-यांनी आज अचानक आंदोलनाचा पवित्रा घेतला. यामुळे आज सकाळपासून तपोवन डेपोतील शहर बस वाहतूक सेवा ठप्प झाली आहे.

दरम्यान बस वाहकांच्या पगारातून दंडाची रक्कम वसूल केल्याने कर्मचारी आक्रमक झाल्याचे पाहायला मिळाले. आज सकाळपासून सिटी लिंकच्या 200 ते 250 बस तपोवन डेपोतचं उभ्या आहेत. नाशिक रोड डेपो मधील बस सेवा सुरळीत असल्याची माहिती समाेर आली आहे.

Edited By : Siddharth Latkar