maharashtra exit poll 2024 : परभणी विधानसभा मतदारसंघात शिवसेना विरुद्ध शिवसेना असा सामना होता. या सामन्यात परभणीतील ठाकरे गटाचे उमेदवार राहुल पाटील यांचं पारडं जड असल्याचं दिसत आहे.

परभणीत यंदा मतदानाचा टक्का वाढललेला आहे. त्यामुळे वाढलेला मताचा फायदा कोणाला होणार, हे पाहणे महत्वाचे ठरणार आहे. या परभणीवरील सकाळ समूहाच्या एक्झिट पोलनुसार, ठाकरे गटाचे उमेदवार राहुल पाटील हे संभाव्य आमदार असू शकतात. या मतदारसंघात ठाकरे गट विरुद्ध शिंदे गट अशी लढत पाहायला मिळाली. परभणीत शिंदे गटाचे उमेदवार आनंद भरोसे यांना पराभवाला सामोरे जाण्याची शक्यता आहे.

परभणी विधानसभा मतदारसंघात यंदाही विद्यमान उमेदवार राहुल पाटील यांना उमेदवारी मिळाली. त्यांचं या मतदारसंघात पारडं जड असल्याचं बोललं जात आहे. आनंद भरोसे यांचे कार्यकर्ते त्यांच्यावर नाराज आहेत. त्याचा फायदा राहुल पाटील यांना झाल्याचं बोललं जात आहे.