हा जनतेचा कौल नाही, हा अदानी आणि पैशांचा कौल , यात काही तरी गडबड आहे, असा आरोप संजय राऊत यांनी केलाय. लाडकी बहीण योजनेमुळे महायुतीला फायदा झाला नाही. पैशाचा वापर झालाय. एकनाथ शिंदे यांचे सर्व आमदार कसे निवडणून येऊ शकतात. अजित पवार यांच्याविरोधात जनतेत रोष आहे. तर शरद पवार यांच्या सभांना नागरिकांची मोठी गर्दी होती, ते वादळ कोणी का पाहत नाही असा सवाल ही संजय राऊत यांनी केलाय. विधानसभेच्या निकाल मोठं कारस्थान आहे, हा जनतेचा निकाल नसल्याचं राऊत म्हणाले.

राज्यात २० तारखेला विधानसभा निवडणुकीसाठी मतदान झालं . आज मतांची मोजणी केली जात आहे. यात महायुतीला मोठं यश मिळाले आहे. यात भाजप १२६ , शिंदे गट ५५, अजित पवार राष्ट्रवादी ३५ अशा जागा जिंकल्या आहेत. मविआचा या निवडणुकीत मोठा पराभव झालाय. मात्र संजय राऊत यांनी या निकालात मोठी गडबड झालीय. हा निकाल ठरवून लावण्यात आल्याचा आरोप संजय राऊत यांनी केलाय.

निकालात कुछ तो गडबड है, असं काय फडणवीस, मोदी शाह आणि शिंदेंनी दिवे लावलेत? लोकशाहीत जनतेनं दिलेला कौल आम्ही मान्य करू, पण हा जनतेचा निकाल असूच शकत नाही. हार जीत होत असते, पण हे लावून घेतलेले निकाल आहेत. मी यावर विश्वास ठेवत नसल्याचं संजय राऊत म्हणाले. दरम्यान हा लाडकी बहीण योजनेचा विजय नाही. येथे लाडके दादा, लाडकी आजोबा नाहीत का? असा सवालही राऊ यांनी केलाय.

हा निकाल मोदी,शहा आणि अदानी यांनी ठरवून निकाल लावलाय. अदानींचं राज्यावर बारीक लक्ष होत, कारण त्यांच्या पैशाच्या रूपातून ही सर्व ताकद लावली होती. एकनाथ शिंदे यांचे सगळे आमदार कसे निवडून येतील? त्यांच्याविरोधात जो रोष होता तो कुठे गेला? तर अजित पवार यांच्याविरोधातही नागरिकांच्या मनात रोष होता तर तो कोठे गेला. शरद पवार यांच्या सभांना मोठी गर्दी होत होती. ते वादळ कसं काय विसरता येईल, असा सवालही राऊत यांनी केलाय.