Madha Lok Sabha Election :

माढा लाेकसभा मतदारसंघात राजकीय वातावरण तापू लागले आहे. सत्ताधारी आणि विराेधक ही निवडणुक जिंकण्यासाठी माेट बांधू लागले आहेत. महायुतीमधील नेते उत्तम जानकर (uttam jankar) हे शरद पवार गटात (sharad pawar faction) सामील झाले. जानकरांनी शुक्रवारी वेळापूर येथील सभेत राजकीय द्वेषातून धैर्यशील मोहिते पाटील (dhairyasheel mohite patil) यांच्यावर 302 ‌कलमा नव्ये गुन्हा दाखल करण्याचे काम सुरू असल्याचा मोठा गौप्यस्फोट केला. यामुळे सभेत एकच खळबळ उडाली. (Maharashtra Lok Sabha Election News in Marathi)

उत्तम जानकर म्हणाले कोणत्याही परिस्थितीत धैर्यशील मोहिते पाटील माढ्यातून निवडणूक लढणार म्हटल्यावर त्यांच्यावर जूने प्रकरण काढून कायदेशिर कारवाईचा बडगा उगारला जाण्याची शक्यता आहे.

धैर्यशील मोहिते पाटील जरी जेल मध्ये गेले तरी सहा तालुक्यातील रणमैदान गाजवून तीन लाख मतांच्या फरकाने त्यांना निवडून आणू. निकालाच्या दिवशी त्यांना बेल मिळाला नाही तर जेल‌ फोडून त्यांच्या विजयाची आपण मिरवणूक काढू असं वतक्य जानकर यांनी केले आहे.

तलाठ्याच्या थोबाडीत मारली, पाटकर्याला पाण्यात बुडवलं : उत्तम जानकर

मी काय गुनी बाळ नव्हतो, दिसला तलाठी की मार थोबाडीत...दिसला पाटकरी की बुडव पाण्यात असा माझा धंदा होता. त्यामुळे माझावरही मोहिते पाटील यांनी 27 गुन्हे दाखल केले होते अशी थेट कबुली राष्ट्रवादीचे नेते उत्तम जानकर यांनी जाहीर सभेत दिली.

शासकीय अधिकाऱ्यांना शिवीगाळ करणे ,मारहाण करणे असे अनेक गुन्हे राष्ट्रवादीचे नेते उत्तम जानकर यांच्यावर दाखल आहेत. या मध्ये मोहिते पाटील यांनी 27 गुन्हे दाखल केल्याचे ही जानकर यांनी सांगितले.

Edited By : Siddharth Latkar