- रणजीत माजगावकर

शेतकऱ्यांच्या प्रश्नासाठी मला लोकसभेत जायचं होतं पण शेतकऱ्यांनी देखील मला म्हणावी तशी साथ दिली नाही असं दिसतंय अशी भावना स्वाभिमानी शेतकरी संघटनेचे नेते राजू शेट्टी यांनी कार्यकर्त्यांसमारे व्यक्त केली. हातकणंगले लाेकसभा मतदारसंघात शेट्टी यांचा पराभव झाल्यानंतर ते शेतक-यांसाठी कार्यरत राहिल्याचे दिसून आले.

हातकणंगले लाेकसभा मतदारसंघात शिवसेना शिंदे गटाचे उमेदवार धैर्यशिल माने यांचा माेठा मताधिक्यानी विजय झाला. या मतदारसंघात राजू शेट्टी यांना 1 लाख 79 हजार 850 मते मिळाली. त्यांना मिळालेली मते ही खूप कमी असल्याने शेट्टींना त्यांचा पराभव जिव्हारी लागला आहे.

शेतकऱ्यांच्या प्रश्नासाठी मला लोकसभेत जायचं होतं पण शेतकऱ्यानी देखील मला म्हणावी तशी साथ दिली नाही अशी खंत राजू शेट्टी यांनी बाेलून दाखवली. धार्मिक ध्रुवीकरण आणि पंतप्रधान पदाचा मुद्दा या विचारधारेमध्ये अनेक माणसं बळी पडली. त्यामुळे असा निकाल आल्याचे राजू शेट्टींनी नमूद केले.

Edited by : Siddharth Latkar