- फय्याज शेख

बाळ्या मामा, कपिल पाटील हे बी टीम आहेत तर राष्ट्रवादीने (ज्येष्ठ नेते शरद पवार गट) काँग्रेस पक्ष संपवण्याची सुपारी घेतल्याचा दावा भिवंडी लाेकसभा मतदारसंघात अपक्ष उमेदवारी अर्ज दाखल केलेले निलेश सांबरे यांनी केला आहे. जिजाऊ विकास पार्टीचे उमेदवार सांबरे यांची शांतीनगर रहिमतपूर परिसरात प्रचार रॅली झाली. त्यानंतर माध्यमांशी बाेलताना सांबरे यांनी नेत्यांवर टीका केली. (Maharashtra News)

शांतीनगर रहिमतपूर या भागात निलेश सांबरे यांच्या प्रचारासाठी सभा झाली. यावेळी समाजवादी पक्ष,पिस पार्टी या पक्षातील पदाधिकारी कार्यकर्त्यांनी जिजाऊ विकास पार्टी मध्ये प्रवेश केला. या सभेसाठी परिसरातील नागरिक मोठ्या संख्येने उपस्थित होते.

निलेश सांबरे म्हणाले माझ्यावर आराेप करणारे हे सर्व जण बी टीम आहेत. राष्ट्रवादीचे बाळ्या मामा हे भाजपाचे कपिल पाटील यांची बी टीम आहे. काँग्रेसला संपवण्याची सुपारी ज्येष्ठ नेते शरद पवार यांनी घेतल्याची टीका सांबरे यांनी केली.

ते म्हणाले मी पहिल्यापासून काँग्रेस विचाराचा आहे. काॅंग्रेस कार्यकर्ता म्हणून माझी सुरुवात झाली आहे. सन 2013 पर्यंत जिल्हा जनरल सेक्रेटरी म्हणून कार्यरत आहे.

सांबरे म्हणाले राजकारणी लोक ही फार मोठी असल्याचा भासवताहेत. कपिल पाटील मंत्री असल्यामुळे फार मोठे आहेत, बाळ्या मामा आठ पक्ष बदलून आला म्हणून मोठा आहे हा चुकीचा समज आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जे लोक आपल्या तालुक्याचे होत नाहीत. समाजाचे होत नाहीत. गावाचे होत नाही ते कुठे मोठे आलेत. कपिल पाटील केंद्रीय मंत्री झाल्यानंतर त्यांनी या शहरासाठी तालुक्यासाठी केंद्रीय विद्यालय आणायला हवे होते. रेल्वे समस्या सोडवायला हव्या होत्या. येथील समस्या जितेंद्र आव्हाड नाही सुधरवणार त्यांनी फक्त मुस्लिम मतांचा फक्त वापर केल्याची टीका सांबरेंनी आव्हाडांवर केली.

Edited By : Siddharth Latkar