लोकसभा निवडणुकांची आज मतमोजणी सुरू आहे. काही वेळात विजयी उमेदवारांची नावे जाहिर होतील. सध्या मतमोजणीचे कल समोर येत आहेत. या कलांनुसार देखील कुणाचा विजय होणार याचा अंदाज बांधला जात आहे. मुंबईमधील दक्षिण मध्य लोकसभा मतदारसंघात शिंदे विरुद्ध ठाकरे गट अशी लढत झालीये. त्यामुळे या मतदारसंघाकडे देखील साऱ्यांचं लक्ष लागलं आहे.
दक्षिण मध्य लोकसभा मतदारसंघात राहुल शेवाळे (शिंदे गट) विरुद्ध अनिल देसाई (ठाकरे गट) हे उमेदवार रिंगणात आहेत. गेल्या २५ वर्षांत या मतदारसंघात शिवसेनेचं वर्चस्व राहिलं आहे. साल २०१४ आणि २०१९ मध्ये देखील राहुल शेवाळे यांनी या मतदारसंघात बाजी मारली होती. मात्र यंदाच्या निवडणुकीच शिवसेनेचे दोन गट झालेत. ससेच सध्या येत असलेल्या कलांनुसार राहुल शेवाळे येथे पिछाडीवर दिसत आहेत.
शिवसेना ठाकरे गटाचे अनिल देसाई यांनी मुंबईमधील दक्षिण मध्य लोकसभा मतदारसंघात मुसंडी मारल्याचं दिसत आहे. अनिल देसाई ५१,८२१ मतांनी आघाडीवर आहेत. आलेल्या कलांनुसार अनिल देसाईंच्या पारड्यात सध्या ३,८५,७१४ मतं आणि राहुल शेवाळे यांच्यांकडे सध्या ३,३३,८९३ मतं असल्याचं दिसत आहे.
अनिल देसाईंची प्रतिक्रिया
मी उमेदवार म्हणून आणि मतदार म्हणून आणि लोकशाहीची भाग म्हणून मी खुप खुश आहे. लोकशाही ही जिवंत राहिली पाहिजे आणि आज ते खरं ठरलं आहे. महाराष्ट्रात जे राजकारण आमच्यासोबत झालं आणि आजचं चित्र हे खुप महत्त्वाचे आहे, समोर येत असलेल्या कलांवरून अनिल देसाईंनी ही प्रतिक्रिया दिली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.