Kolhapur Lok Sabha Elections Satej Patil vs Hasan Mushrif :

लोकसभा निवडणुकीचा प्रचार शिगेला पोहोचला असून आरोप-प्रत्यारोपांच्या जोरदार फैरी झडत आहेत. कोल्हापूरच्या राजकीय आखाड्यात सतेज पाटील आणि हसन मुश्रीफांमध्ये जोरदार शाब्दिक युद्ध रंगलंय. लाठ्याकाठ्यांवरून दोन्ही नेत्यांमध्ये चांगलीच जुंपली आहे. निवडणुकीपर्यंत सतर्क राहा. काही अडचण आली, तर बंटी पाटील रात्री 12 वाजता काठी घेऊन उभा असेल, असा इशाराच काँग्रेस आमदार सतेज पाटलांनी दिला होता. त्यावर हसन मुश्रीफांनी पलटवार करत, आम्ही पण 1 वाजेपर्यंत काठी घेऊन बसू असं म्हटलंय.

कोल्हापुरात मविआकडून छत्रपती शाहू महाराज विरुद्ध महायुतीकडून संजय मंडलिक मैदानात आहेत. महायुतीच्या कोल्हापूर जिल्ह्यातील दोन्ही उमेदवारांसाठी पंतप्रधान नरेंद मोदी यांची शनिवारी सभा आयोजित करण्यात आली आहे. 27 तारखेला तपोवन मैदानावर मोदींची अति विराट सभा होईल, असा दावा मुश्रीफ यांनी केलाय.

कोल्हापूर आणि हातकणंगलेसाठी मविआसह महायुतीने कंबर कसली आहे. दोन्ही बाजूंनी प्रचार शिगेला पोहोचलाय. कोल्हापूरचं मैदान कोण मारणार हे पाहणं महत्त्वाचंय.