Congress Releases 7th List Of Lok Sabha Candidates:

काँग्रेसने मंगळवारी रात्री लोकसभा निवडणूक २०२४ साठी सातवी यादी जाहीर केलीय.काँग्रेसने छत्तीसगडमधील ४ आणि तामिळनाडूमधील एका जागेसाठी या यादीतील उमेदवारांची नावे जाहीर केलीय. छत्तीसगडच्या सुरगुजा (एसटी)मधून शशी सिंह, रायगड (एसटी)मधून डॉ. मै देवी सिंह, बिलासपूरमधून देवेंद्र सिंह यादव आणि कांकेर (एसटी)मधून बिरेश ठाकूर यांना संधी देण्यात आलीय. तर तामिळनाडूमधील मायलादुथुराई मतदारसंघातून आर सुधा यांना उमेदवारी देण्यात आलीय. (Latest News)

काँग्रेसने २५ मार्च २०२४ रोजी उमेदवारांची सहावी यादी जाहीर केली होती. यात राजस्थान आणि तामिळनाडूमधील उमेदवारांची नावे जाहीर करण्यात आली होती. या यादीत ४ उमेदवार राजस्थानमधील होते. (अजमेर - रामचंद्र चौधरी, राजसमंद - सुदर्शन रावत, भिलवाडा - डॉ. दामोदर गुर्जर आणि कोटा - प्रल्हाद गुंजाळ) तर एक उमेदवार तामिळनाडू (तिरुनेलवेली - अधिवक्ता सी रॉबर्ट ब्रूसमधील) होता. राज्यातील काँग्रेसच्या तिसऱ्या यादीत चंद्रपूरमधून प्रतिभा धानोरकर यांना उमेदवारी उमेदवारी देण्यात आल्या जाहीर करण्यात आलंय.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान काँग्रेसच्या आधी भारतीय जनता पक्षाने (भाजप) लोकसभा निवडणुकीसाठी उमेदवारांची सहावी यादी जाहीर केली. त्यात राजस्थानमधील लोकसभेच्या दोन आणि मणिपूरमधील एका उमेदवाराची नावे होती. राजस्थानमधील करौली-धोलपूरमधून विद्यमान खासदार मनोज राजोरिया यांचे तिकीट कापून इंदू देवी जाटव यांना उमेदवारी दिली.

तर दौसामधून मीना जसकौर यांचे तिकीट कापून कन्हैया लाल मीना यांना संधी देण्यात आलीय. त्याचबरोबर मणिपूरच्या इनर मणिपूर लोकसभा मतदारसंघातून केंद्रीय मंत्री डॉ. राजकुमार रंजन सिंह यांना डावलण्यात आलंय. त्यांच्या जागी थौनओजम बसंत कुमार सिंह यांना रिंगणात उतरवण्यात आलंय.